រាជធានីភ្នំពេញ ៖ មន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ បានឱ្យដឹងថា កាលពីរាត្រីថ្ងៃទី១៥ ខែមករា ឆ្នាំ២០២៦ នៅវេលាម៉ោង៩:០០នាទីយប់…
រាជធានីភ្នំពេញ ៖ មន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ បានឱ្យដឹងថា កាលពីរាត្រីថ្ងៃទី១៥ ខែមករា ឆ្នាំ២០២៦ នៅវេលាម៉ោង៩:០០នាទីយប់ មានករណីកុមារាអនាថាម្នាក់ ឈ្មោះ ស្រូយ អាយុ០៥ឆ្នាំ ត្រូវបានភ្លើងឆេះ នៅត្រង់ចំណុចរង្វង់មូលអាំងទឹកស្តាតអូឡាំពិក នៅរាជធានីភ្នំពេញ។
ករណីនេះ ត្រូវបានប្រជាពលរដ្ឋ ដែលធ្វើដំណើរតាមផ្លូវ ប្រទះឃើញភ្លាមៗ ហើយក៏បានជួយអន្តរាគមន៍សង្គ្រោះ បញ្ជូនកុមារទៅមន្ទីរពេទ្យភ្លាមៗនោះតែម្តង ។
បច្ចុប្បន្នកុមាររងគ្រោះ ទទួលបានការយកចិត្តទុកដាក់ព្យាបាលពីក្រុមគ្រូពេទ្យវេជ្ជបណ្ឌិត និងក្រោមការមើលថែទាំពីក្រុមការងារ នៃមន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ ស្ថិតនៅក្នុងមន្ទីរពេទ្យគន្ធបុប្ផា ខណ្ឌដូនពេញ រាជធានីភ្នំពេញ។ មកដល់ពេលនេះ ស្ថានភាពសុខភាពរបស់កុមារ មិនទាន់អាចផ្តល់ព័ត៌មានអំពីក្រុមគ្រួសាររបស់គាត់បាននៅឡើយ ។
អាស្រ័យហេតុនេះ ប្រសិនឪពុកម្តាយ ឬអាណាព្យាបាល បងប្អូន សាច់ញាតិរបស់កុមារខាងលើបានជ្រាបដំណឹងនេះ សូមទំនាក់ទំនងតាមទូរសព្ទលេខ ០៩២ ៤០០ ៣២២ ដើម្បីទទួលយកកុមារបន្តមើលការថែទាំព្យាបាល ៕
ចែករំលែកព័តមាននេះ