រាជធានីភ្នំពេញ ៖ ក្រុមការងារព័ត៌មាន និងប្រតិកម្មរហ័ស នៃស្នងការរាជធានីភ្នំពេញ បានបំភ្លឺថា ថ្មីៗនេះមានទំព័រហ្វេសប៊ុកឈ្មោះ mengheang thorn បានបង្ហោះផ្សព្វផ្សាយមានក្មេង០១នាក់…
រាជធានីភ្នំពេញ ៖ ក្រុមការងារព័ត៌មាន និងប្រតិកម្មរហ័ស នៃស្នងការរាជធានីភ្នំពេញ បានបំភ្លឺថា ថ្មីៗនេះមានទំព័រហ្វេសប៊ុកឈ្មោះ mengheang thorn បានបង្ហោះផ្សព្វផ្សាយមានក្មេង០១នាក់ ត្រូវក្មេងៗចាក់សាំងដុត(សង្ស័យដុតអាល់កុល) នៅម្តុំផ្សារអូឡាំពិក បណ្តាលឲ្យរងរបួស ត្រូវបានបញ្ជូនទៅសង្គ្រោះនៅមន្ទីរពេទ្យគន្ធបុផ្ផាវត្តភ្នំ ។
ក្រោយពីឃើញការផ្សព្វផ្សាយព័ត៌មានតាមហ្វេសប៊ុកខាងលើ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាទៅលោកអធិការនគរបាលខណ្ឌ៧មករា ចុះស្រាវជ្រាវជាបន្ទាន់ គឺនៅថ្ងៃទី១៥ ខែមករា ឆ្នាំ២០២៦ វេលាម៉ោង១៩និង៣០នាទី នៅចំណុចជិតហ្គារ៉ាស់សាំងតេលាខ្មែរ ស្តុបអាងទឹក មានករណីក្មេងៗ ចំនួន០៣នាក់ បានដុតភ្លើងលេង សង្ស័យដុតអាល់កុល រហូតធ្វើឲ្យឆាបឆេះជើងខោក្មេងម្នាក់ទៀត រងរបួស៣០% បន្ទាប់មក ត្រូវបានប្រជាពលរដ្ឋ ជួយនាំយកក្មេងរងគ្រោះ ទៅសម្រាកព្យាបាលនៅមន្ទីរពេទ្យគន្ធបុប្ផាវត្តភ្នំ។ បច្ចុប្បន្ន សមត្ថកិច្ច កំពុងប្រកាសស្វែងរកអាណាព្យាបាលក្មេងរងគ្រោះ ៕
ចែករំលែកព័តមាននេះ