ខេត្តបាត់ដំបង ៖ លំនៅឋានប្រជាកសិករមួយខ្នង ដែលធ្វើអំពីឈើប្រក់ស័ង្កសី ត្រូវបានព្រះអគ្គីលេបត្របាក់យកអស់គ្មានសល់ ដែលគេសន្និដានបណ្ដាលមកពីការ «ឆ្លងចរន្តអគ្គិសនី»កាលពីវេលាម៉ោង១១ថ្ងៃត្រង់ថ្ងៃទី១៥ មករា ស្ថិតនៅភូមិប្រឡាយសក្ដៅ ឃុំតាលាស់…
ខេត្តបាត់ដំបង ៖ លំនៅឋានប្រជាកសិករមួយខ្នង ដែលធ្វើអំពីឈើប្រក់ស័ង្កសី ត្រូវបានព្រះអគ្គីលេបត្របាក់យកអស់គ្មានសល់ ដែលគេសន្និដានបណ្ដាលមកពីការ «ឆ្លងចរន្តអគ្គិសនី»កាលពីវេលាម៉ោង១១ថ្ងៃត្រង់ថ្ងៃទី១៥ មករា ស្ថិតនៅភូមិប្រឡាយសក្ដៅ ឃុំតាលាស់ ស្រុកមោងប្ញស្សី ។
របាយការណ៍សមត្ថកិច្ចបានឲ្យដឹងថា លំនៅឋានដែលរងការបំផ្លាញដោយអគ្គិភ័យនោះ ធ្វើពីឈើប្រក់ស័ង្កសី មានទំហំ៥ម៉X១០ម៉ ដែលមានម្ចាស់ឈ្មោះ សេង ឌូ ភេទប្រុសអាយុ៦២ឆ្នាំ ។ បើតាមសមត្ថកិច្ច អគ្គិភ័យបានឆេះអស់ទាំងស្រុង រាប់ទាំងទ្រព្យសម្បត្តិ និងសម្ភារផ្សេងៗនៅក្នុងផ្ទះ បើទោះជារថយន្តពន្លត់អគ្គិភ័យរបស់សមត្ថកិច្ចបានចេញជួយអន្តរាគមន៍ភ្លាមៗក្ដី ។
បើតាមការសួរនាំពីមូលហេតុ ម្ចាស់ផ្ទះបានប្រាប់ថា អគ្គិភ័យនេះ បណ្ដាលមកពីការ«ឆ្លងចរន្តអគ្គិសនី» តែពុំបង្កឲ្យមានគ្រោះថ្នាក់ដល់មនុស្សទេ ។ នៅក្នុងគ្រោះអគ្គិភ័យនេះ គេឃើញមានអ្នកភូមិបានប្រឹងប្រែងជួយពន្លត់អគ្គិភ័យនេះជាមួយម្ចាស់ផ្ទះ មុនពេលរថយន្តពន្លត់អគ្គិភ័យចុះទៅដល់ ប៉ុន្តែអណ្ដាតភ្លើងហាក់គ្មានការថមថយឡើយ ព្រោះភ្លើងបានឆាបឆេះខ្លាំង ដោយសារជញ្ជាំងក្ដារដែលងាយនឹងភ្លើងឆេះខ្លាំង ។ ដោយឡែក រថយន្តអគ្គិភ័យក៏បានទៅដល់ភ្លាមៗដែរ នៅតែមិនអាចជួយសង្គ្រោះបានខ្លះ រហូតផ្ទះមួយខ្នងនេះត្រូវព្រះអគ្គីលេបត្របាក់យកអស់ទាំងស្រុងតែម្ដង ។
បើតាមសមត្ថកិច្ចបានរាយការណ៍ថា លំនៅឋានមួយខ្នងនេះ ត្រូវភ្លើងឆេះអស់ទាំងស្រុង រួមទាំងទ្រព្យសម្បត្តិ និងសម្ភារដទៃៗទៀតនៅក្នុងផ្ទះនេះផង តែពុំមានគ្រោះថ្នាក់ដល់មនុស្សទេ ហើយភ្លាមៗគេក៏មិនទាន់ដឹងតុល្យការនៃការខាតបង់គិតជាទឹកប្រាក់អស់ចំនួនប៉ុន្មានដែរ ព្រោះមន្ត្រីជំនាញកំពុងធ្វើការសាកសួរជនរងគ្រោះ ៕
ចែករំលែកព័តមាននេះ