ក្រោមឥទ្ធិពលនៃរបបខ្យល់មូសុងឥសាន្តបក់លើសមុទ្រចិនខាងត្បូង អាងទន្លេមេគង្គ សមុទ្រកម្ពុជា ក្រសួងធនធានទឹក និងឧតុនិយម បានព្រមានថា សីតុណ្ហភាពនៅកម្ពុជាអាចត្រជាក់ខុសសព្វដង ពីថ្ងៃទី១១ ដល់ថ្ងៃទី១៣ ខែមករា…
ក្រោមឥទ្ធិពលនៃរបបខ្យល់មូសុងឥសាន្តបក់លើសមុទ្រចិនខាងត្បូង អាងទន្លេមេគង្គ សមុទ្រកម្ពុជា ក្រសួងធនធានទឹក និងឧតុនិយម បានព្រមានថា សីតុណ្ហភាពនៅកម្ពុជាអាចត្រជាក់ខុសសព្វដង ពីថ្ងៃទី១១ ដល់ថ្ងៃទី១៣ ខែមករា ឆ្នាំ២០២៦ ។
ប្រភពដដែលបានឲ្យដឹងថា នៅរាជធានីភ្នំពេញ បន្ទាយមានជ័យ បាត់ដំបង សៀមរាប ពោធិ៍សាត់ កំពង់ឆ្នាំង កំពង់ធំ កំពង់ចាម ត្បូងឃ្មុំ ព្រៃវែង កណ្តាល ស្វាយរៀង និង តាកែវ សីតុណ្ហភាពអាចចុះដល់១៧អង្សាសេ ។
ប្រភពដដែលបានបន្តថា ដោយឡែកនៅខេត្តឧត្តរមានជ័យ ប៉ៃលិន ព្រះវិហា ក្រចេះ រតនគីរី មណ្ឌលគីរី កំពង់ស្ពឺ ស្ទឹងត្រែង ជួភ្នំក្រវ៉ាញ ដងរែក សីតុណ្ហភាពអាចចុះដល់ ១៤អង្សារសេ ស្របពេលដែលតំបន់មាត់សមុទ្រវិញអាចចុះត្រឹម ១៨អង្សាសេ ។
នៅក្នុងស្ថានភាពអាកាសធាតុបែបនេះ តាមអង្គការសុខភាពពិភពលោក បានព្រមានឲ្យមានការយកចិត្តទុកដាក់លើសុខភាព ពីព្រោះក្រៅពីជំងឺផ្លូវដង្ហើម ផ្តាសសាយ គឺអាចមានពលរដ្ឋរងជំងឺដាច់សរសៃឈាមខួរក្បាល ។
ប្រភពដដែលបានព្រមានទៀតថា សម្រាប់ជំងឺដាច់សរសៃឈាមខួរក្បាលនេះ ត្រជាក់ពេក និងក្តៅពេក គឺសុទ្ធតែគ្រោះថ្នាក់ ដូច្នេះគួរយកចិត្តទុកដាក់ចំពោះមនុស្សចាស់ និង កុមារ ។
ចែករំលែកព័តមាននេះ