សមិទ្ធផលថ្មីនៃទឹកដីឧត្ដរ ៖ រង្វង់មូល «ដៃប្រាំបី» បង្ហាញរូបរាងថ្មីយ៉ាងស្អាតត្រកាល
ខេត្តឧត្ដរមានជ័យ ៖ លោក មាន ចាន់យ៉ាដា ៖ ឆ្លងកាត់រយ:ពេលជាច្រើនខែ ប៉ុន្តែពេលនេះ រង្វង់មូលដៃប្រាំបី ក្នុងទីរួមខេត្តឧត្ដរមានជ័យរបស់យើងទាំងអស់គ្នា…
ខេត្តឧត្ដរមានជ័យ ៖ លោក មាន ចាន់យ៉ាដា ៖ ឆ្លងកាត់រយ:ពេលជាច្រើនខែ ប៉ុន្តែពេលនេះ រង្វង់មូលដៃប្រាំបី ក្នុងទីរួមខេត្តឧត្ដរមានជ័យរបស់យើងទាំងអស់គ្នា បានស្ថាបនារួចរាល់១០០% ហើយ ទោះខេត្តមួយនេះ ឆ្លងកាត់ភ្លើងសង្គ្រាមក៏ដោយ ។ នេះបើយោងតាមទូរទស្សន៍ជាតិកម្ពុជាបានប្រកាសនារសៀលថ្ងៃទី១១ ខែមករា ឆ្នាំ២០២៦ ។
ក្នុងគោលបំណងលើកកម្ពស់សោភ័ណភាពទីរួមខេត្ត និងការថែរក្សានូវអត្តសញ្ញាណវប្បធម៌ដ៏រុងរឿងនៃទឹកដីឧត្ដរ ។ រដ្ឋបាលខេត្តឧត្ដរមានជ័យ ក្រោមការដឹកនាំរបស់ ឯកឧត្ដម មាន ចាន់យ៉ាដា អភិបាលនៃគណៈអភិបាលខេត្ត បានសម្រេចរៀបចំកែលម្អ និងលើកតម្កើងរូបសំណាក់ «រង្វង់មូលដៃ៨» ដែលជានិមិត្តរូបតំណាងខេត្ត ឱ្យកាន់តែមានភាពលេចធ្លោ និងអស្ចារ្យ ដើម្បីស្វាគមន៍ភ្ញៀវទេសចរ និងជាទីមោទនភាពរបស់ប្រជាពលរដ្ឋក្នុងខេត្តសម្រេចបាន១០០%ហើយ ។
រង្វង់មូលដៃ៨ បានក្លាយជា «បង្គោលចរ» ដ៏សំខាន់ដែលមិនអាចរំលងបានសម្រាប់អ្នកដំណើរដែលឆ្លងកាត់មកកាន់ទឹកដីខេត្តឧត្ដរមានជ័យ ៕
ចែករំលែកព័តមាននេះ