ខេត្តកំពង់ស្ពឺ៖ ជនសង្ស័យជាចោរលួចម៉ូតូម្នាក់ត្រូវបានកម្លាំងនគរបាលស្រុកភ្នំស្រួចធ្វើការស្រាវជ្រាវឃាត់ខ្លួនបាន ខណៈដែលជនសង្ស័យខាងលើបានធ្វើសកម្មភាពលួចកាច់សោរកម៉ូតូជនរងគ្រោះទុកមុខផ្ទះយកទៅបាត់។ ការស្រាវជ្រាវឃាត់ជនសង្ស័យលួចម៉ូតូបានកាលពីថ្ងៃទី៩ ខែមករា ឆ្នាំ២០២៦ នៅក្នុងភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។…
ខេត្តកំពង់ស្ពឺ៖ ជនសង្ស័យជាចោរលួចម៉ូតូម្នាក់ត្រូវបានកម្លាំងនគរបាលស្រុកភ្នំស្រួចធ្វើការស្រាវជ្រាវឃាត់ខ្លួនបាន ខណៈដែលជនសង្ស័យខាងលើបានធ្វើសកម្មភាពលួចកាច់សោរកម៉ូតូជនរងគ្រោះទុកមុខផ្ទះយកទៅបាត់។
ការស្រាវជ្រាវឃាត់ជនសង្ស័យលួចម៉ូតូបានកាលពីថ្ងៃទី៩ ខែមករា ឆ្នាំ២០២៦ នៅក្នុងភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
នគរបាលស្រុកភ្នំស្រួចបាននិយាយឱ្យដឹងថា ជនសង្ស័យដែលនគរបាលឃាត់ខ្លួនបានមានឈ្មោះ ជា វិបុល ភេទប្រុស អាយុ៣១ឆ្នាំ រស់នៅក្នុងភូមិជ្រៃសែនជ័យ ឃុំតាំងសំរោង ស្រុកភ្នំស្រួច ខេត្តកំពង់ស្ពឺ។
នគរបាលស្រុកភ្នំស្រួចបាននិយាយឱ្យដឹងថា នៅមុនពេលធ្វើការស្រាវជ្រាវឈានទៅដល់ឃាត់ខ្លួនជនសង្ស័យខាងលើ គឺនៅវេលាម៉ោង១០និង៣០នាទីព្រឹកថ្ងៃទី៨ ខែមករា ឆ្នាំ២០២៦ មានឈ្មោះ ម៉េង សំអឿន ភេទប្រុស អាយុ៣៧ឆ្នាំ រស់នៅក្នុងភូមិទី១ ឃុំត្រែងត្រយឹង ស្រុកភ្នំស្រួច បានដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលឃុំត្រែងត្រយឹង នៃស្រុកភ្នំស្រួច ទៅលើជនសង្ស័យមិនស្គាល់អត្តសញ្ញាណ មិនដឹងចំនួន បានលួចម៉ូតូ០១គ្រឿង ម៉ាកហុងដា សេ១២៥ ស៊េរីឆ្នាំ២០២១ ពណ៌ខ្មៅ ពាក់ផ្លាកលេខកំពង់ស្ពឺ1T-6364។ ជនរងគ្រោះជាម្ចាស់ម៉ូតូបានរៀបរាប់ថា កាលពីថ្ងៃទី៧ ខែមករា ឆ្នាំ២០២៦ មិនដឹងម៉ោង នៅចំណុចភូមិទី១ ឃុំត្រែងត្រយឹង ស្រុកភ្នំស្រួច ខ្លួនបានទុកម៉ូតូនៅមុខផ្ទះចាក់សោរក ហើយចូលទៅក្នុងផ្ទះ ស្រាប់តែចេញមកវិញបាត់ម៉ូតូ មិនដឹងថាចោរលួចកាច់សោរក យកទៅពេលណានោះទេ។
នគរបាលស្រុកភ្នំស្រួចបានបន្តឱ្យដឹងទៀតថា ក្រោយទទួលបានពាក្យបណ្តឹងពីជនរងគ្រោះរួចមក កម្លាំងនគរបាលប៉ុស្តិ៍ឃុំ និងស្រុកបានសហការធ្វើការស្រាវជ្រាវ រហូតដល់វេលាម៉ោង១០និង៣០នាទីព្រឹកថ្ងៃទី៩ ខែមករា ឆ្នាំ២០២៦ កម្លាំងជំនាញ បានហៅឈ្មោះ ជា វិបុល ភេទប្រុស អាយុ៣១ឆ្នាំ រស់នៅក្នុងភូមិជ្រៃសែនជ័យ ឃុំតាំងសំរោង ស្រុកភ្នំស្រួច នៅចំណុចក្នុងរោងចក្រ ធីជី ប្រា ឌើរ គ្រីសម៉ាស ស្ថិតក្នុងភូមិទី១ ឃុំត្រែងត្រយឹង យកមកសាកសួរ ។ ជនសង្ស័យខាងលើបានឆ្លើយសារភាពថា រូបខ្លួនពិតជាបានធ្វើសកម្មភាពលួចម៉ូតូខាងលើពិតប្រាកដមែន។ក្រោយឃាត់ជនសង្ស័យបាន នគរបាលបានប្រគល់ម៉ូតូជូនម្ចាស់ដើមយកទៅប្រើប្រាស់វិញហើយ។
បច្ចុប្បន្នជនសង្ស័យ ត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកភ្នំស្រួច និងកសាងសំណុំរឿង ដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ