ខេត្តបន្ទាយមានជ័យ ៖ នៅថ្ងៃទី៩ ខែមករា ឆ្នាំ២០២៦ សម្តេចព្រះធម្មលិខិតបណ្ឌិត សៅរ៍ ចន្ទថុល្ល ព្រះរាជាគណៈថ្នាក់ឯក ឧត្តមប្រឹក្សាគណៈមហានិកាយ…
ខេត្តបន្ទាយមានជ័យ ៖ នៅថ្ងៃទី៩ ខែមករា ឆ្នាំ២០២៦ សម្តេចព្រះធម្មលិខិតបណ្ឌិត សៅរ៍ ចន្ទថុល្ល ព្រះរាជាគណៈថ្នាក់ឯក ឧត្តមប្រឹក្សាគណៈមហានិកាយ នៃព្រះរាជាណាចក្រកម្ពុជា និងជាព្រះចៅអធិការវត្តលង្កាព្រះកុសុមារាម និមន្តប្រគេន-ជូនអំណោយ ព្រះសង្ឃចំនួន៦វត្ត និងប្រជាជនភៀសសឹក ចំនួន១,២០០គ្រួសារ(ភូមិព្រៃចាន់ និងភូមិជោគជ័យ)។
ក្នុងពិធីក៏មានការនិមន្តចូលរួមថ្នាក់ដឹនាំមន្ត្រីសង្ឃខេត្ត លោកជំទាវ នួម សុភ័ណ្ឌ តំណាងរាស្ត្រមណ្ឌលខេត្តបន្ទាយមានជ័ ឯកឧត្តម ផាន់ ចន្ទតារា រដ្ឋលេខាធិការក្រសួងធម្មការនិងសាសនា ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុ រាត្រី អភិបាល នៃគណៈអភិបាលខេត្ត សប្បុរសជនក្រៅប្រទេសបានចូលរួម។
មានរបាយការណ៍ សង្ខេបឯកឧត្ដម អ៊ុ រាត្រី អភិបាល នៃ គណៈអភិបាលខេត្តបន្ទាយមានជ័យ ខេត្តបន្ទាយមានជ័យ មានព្រំដែនគោកជាប់ជាមួយប្រទេសថៃប្រវែង ១៥៣គីឡូម៉ែត្រ ។ ឯកឧត្ដម បន្តថា ក្នុងអំឡុងពេល នៃសង្គ្រាមរយៈពេល២១ថ្ងៃ ចាប់ពីថ្ងៃទី៨ ដល់ថ្ងៃទី២៧ ខែធ្នូ ឆ្នាំ២០២៥ ដែលយោធាថៃ បាន រំលោភបំពានមកលើទឹកដីនៃព្រះរាជាណាចក្រកម្ពុជា នៅខេត្តបន្ទាយមានជ័យ មានប្រជាពលរដ្ឋចំនួន៦៤.៨៦៤គ្រួសារ ត្រូវបានជម្លៀសមកកាន់ទីតាំងសុវត្ថិភាពនានាចំនួន១៣២មណ្ឌល នៅតាមបណ្តាក្រុង-ស្រុក។ ជាក់ស្ដែង ស្តែងក្រោយបទឈប់បាញ់កាលពីថ្ងៃទី២៧ ខែធ្នូ ឆ្នាំ ២០២៥កន្លងទៅ យោធាថៃបានបន្តរំលោភចូលដែនអធិបតេយ្យភាពរបស់កម្ពុជា ដោយបានដាក់បន្លាលួស ទូកុងតឺន័ បំផ្លាញផ្ទះសំបែងពលរដ្ឋនៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ និងតំបន់បឹងត្រកួន ស្រុកថ្មពួក ធ្វេីឱ្យពលរដ្ឋមិនទាន់អាចវិលត្រលប់ចូលលំនៅឋានបាន។
នាឱកាសឯនោះ សម្តេចព្រះធម្មលិខិតបណ្ឌិត សៅរ៍ ចន្ទថុល្ល ក៏បានមានព្រះបន្ទូលសំណេះសំណាលជាមួយនឹងបងប្អូនជនភៀសសឹកទាំង១២០០គ្រួសារ ដែលមិនទាន់អាវិលត្រលប់ទៅភូមិឋានបានទាំង២ភូមិ ក្រោយមានបទឈប់បាញ់កាលពីថ្ងៃទី២៧ ខែធ្នូ ឆ្នាំ ២០២៥កន្លងទៅ ។
សម្តេចព្រះធម្មលិខិតបណ្ឌិត មានព្រះបន្ទូលថា សង្គ្រាមរយៈពេល២១ថ្ងៃ បានធ្វេីឱ្យពលរដ្ឋកម្ពុជាស្លូតត្រង់ត្រូវចាក់ចេញពីផ្ទះសំបែងទៅកាន់ទីសុវត្ថិភាព ហេដ្ឋារចនាសម្ព័ន្ធ សាលារៀន ផ្ទះសបែងពលរដ្ឋត្រូវបានយោធាថៃផ្លោងគ្រាប់បំផ្លាញ ពលរដ្ឋស្លូតត្រង់ខ្លះរងរបួស ខ្លះត្រូវបានស្លាប់ដោយសារគ្រាប់ផ្លោងយោធាថៃ ហេីយវរៈកងទ័ពយេីងក៏បានពលីក្នុងសមរភូមិការពារបូរណៈភាពទឹករបស់យេីង។ សម្តេចក៏បានអំពាវនាឱ្យបងប្អូនរក្សាការអត់ធ្មត់ តស៊ូ សាមគ្គីគ្នា ដេីម្បីរស់ ដេីម្បីឈ្នះ និងជឿកជាក់លេីប្រមុខរាជរដ្ឋាភិបាលកម្ពុជា ដែលដឹកនាំដោសម្តេចមហាបវរធិបតី ហ៊ុន ម៉ាណែត ជានាយកដ្ឋមន្ត្រី កំពុងតែខិតខំរកដំណោះស្រាយជូនបងប្អូនប្រជាពលរដ្ឋ ។
សូមបញ្ជាក់ថា ការប្រគេន-ជូនអំណោយព្រះសង្ឃចំនួន៦វត្ត និងប្រជាជនភៀសសឹក ចំនួន១,២០០គ្រួសារ គឺជាការបង្ហាញពីសេចក្តីអាណិតអាសូរ សន្តោស ប្រោសប្រណីចំពោះព្រះសង្ឃ និងញាតិញោមភៀសសឹក ដែលកំពុងស្នាក់នៅទីតាំងសុវត្ថិភាព ដោយបានឃ្លាតចាកចេញអំពីវត្តអារាម និងផ្ទះសំបែង ដោយសារការឈ្លានពានរបស់យោធាថៃ។ ដោយមេីលឃេីញពីការលំបាកនេះ សម្តេចព្រះធម្មលិខិតបណ្ឌិត សៅរ៍ ចន្ទថុល្ល និងមូលនិធិរបស់សាលាអនុគណខណ្ឌពោធិ៍សែនជ័យ បាននាំមកនូវអំណោយដែលជាមូលនិធិ ដើម្បីប្រគេន និងជូនដល់ព្រះសង្ឃចំនួន៦វត្ត ក្នុងនោះរួមមាន៖ ១-វត្តសុវណ្ណសិក្ខារាមព្រៃចាន់ ២-វត្តពុទ្ធិ សីមារាម ជោគជ័យ ៣-វត្តសិលាសុក្ខារាម ៤-វត្តខណ្ឌសីមារាមព្រះព្នៅ ៥-វត្តច័ន្ទស៊ីសាមគ្គីរតនារាម ៦-វត្ត រតនៈសុខសាន្តអូរខៃដន៕
ចែករំលែកព័តមាននេះ