ខេត្តកំពង់ស្ពឺ ៖ ប្រជាពលរដ្ឋរស់នៅក្នុងភូមិតាំងតាឡាត់ ឃុំព្នាយ ស្រុកសំរោងទង ខេត្តកំពង់ស្ពឺ បានស្នើសុំឱ្យអាជ្ញាធរពាក់ព័ន្ធគ្រប់លំដាប់ថ្នាក់ជួយអន្តរាគមន៍ ខណៈផ្លូវដែលពួកគាត់ធ្លាប់តែធ្វើដំណើរ ដឹកជញ្ជូនផល អនុផល…
ខេត្តកំពង់ស្ពឺ ៖ ប្រជាពលរដ្ឋរស់នៅក្នុងភូមិតាំងតាឡាត់ ឃុំព្នាយ ស្រុកសំរោងទង ខេត្តកំពង់ស្ពឺ បានស្នើសុំឱ្យអាជ្ញាធរពាក់ព័ន្ធគ្រប់លំដាប់ថ្នាក់ជួយអន្តរាគមន៍ ខណៈផ្លូវដែលពួកគាត់ធ្លាប់តែធ្វើដំណើរ ដឹកជញ្ជូនផល អនុផល ត្រូវបានគេធ្វើរបងថ្មបិទជិត និងអូរធម្មជាតិដែលធ្លាប់តែរកផលនេសាទ ក៏ត្រូវបានក្រុមហ៊ុនមួយចាក់ដីចូល សង់របងក្នុងអូរ និងបិទផ្លូវមិនឱ្យចរាចរណ៍បានដូចមុនឡើយ។ សង្ស័យអត់មានច្បាប់ទេដឹង ? បើដូច្នោះមែន មិនខុសពីបានកន្ទេលធំបន្លំដេកយ៉ាងត្រជាក់…ហេ! ហេ! ។
ប្រជាពលរដ្ឋម្នាក់និយាយក្នុងលក្ខខណ្ឌសុំមិនបញ្ចេញឈ្មោះ បានប្រាប់អ្នកយកព័ត៌មានថា ខ្នងប្រឡាយភ្លោះដែលអាជ្ញាធរបានកាយ និងរៀបចំទុកឱ្យប្រជាពលរដ្ឋធ្វើដំណើរ ដឹកផល អនុផល ត្រូវបានក្រុមហ៊ុនមួយកំពុងធ្វើការសង់របងថ្មបិទជិតមិនឱ្យចរាចរដូចមុនបានទៀតនោះទេ ។ រីឯអូរធម្មជាតិតាំងតាឡាត់ដែលមានប្រភពមកពីទំនប់ចាន់ថ្នាលក៏ត្រូវបានចាក់ដីលុបរំលោភយកអស់ជាងពាក់កណ្តាល (ជិត ៤ម៉ែត្រ) ហើយបច្ចុប្បន្នក៏កំពុងសង់របងក្នុងអូរផងដែរ ។
ពាក់ព័ន្ធនឹងបញ្ហានេះ ប្រជាពលរដ្ឋកើតជាចម្ងល់ថា តើអាជ្ញាធរពាក់ព័ន្ធបានដឹងពីការសាងសង់របស់ក្រុមហ៊ុននេះដែរ ឬទេ ? ឬមួយក៏បានចូលរួមក្នុងការបើកភ្លើងខៀវឱ្យក្រុមហ៊ុនមួយនេះមានលទ្ធភាពក្នុងការសាងសង់រំលោភផ្លូវខ្នងប្រឡាយដែលពលរដ្ឋចរាចរណ៍រាល់ថ្ងៃ និងចំណីអូរធម្មជាតិរបស់រដ្ឋ ។ កន្លងទៅមន្ទីរជំនាញធនធានទឹក និងឧតុនិយមដែលតែងតែសកម្មក្នុងការការពារបឹងបួរ ប្រឡាយអូរ ដើម្បីប្រយោជន៍រួមហាក់មិនអើពើ អសកម្មលើករណីនេះ ដោយមិនដឹងមូលហេតុ ។
ពាក់ព័ន្ធនឹងការលើកឡើងខាងលើរបស់ប្រជាពលរដ្ឋ លោក ញ៉ាញ់ ជាបហ៊ង ប្រធានមន្ទីរធនធានទឹក និងឧតុនិយមខេត្តកំពង់ស្ពឺ បានឱ្យអ្នកយកព័ត៌មានកោះសន្តិភាពយើងដឹងតាមទូរស័ព្ទថា ករណីនេះក្រុមហ៊ុនចិនគេធ្វើតាមប្លង់របស់គេដែលមានស្រាប់តាំងពីឆ្នាំ ២០០៧ ។ លោកបានសុំគេបានចំនួន ០២ម៉ែត្រតែប៉ុណ្ណោះ កុំអីគេធ្វើដល់ប្រឡាយទាំងអស់ ក្រុមហ៊ុនចិនគេគោរពច្បាប់ខ្លាំងណាស់ ។
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ