វ៉ាស៊ីនតោន៖ ប្រធានាធិបតីអាម៉េរិក លោក ដូណាល់ ត្រាំ បានថ្លែងប្រាប់កាសែត The New York Times ថា សហរដ្ឋអាម៉េរិកមានផែនការត្រួតត្រាលើកិច្ចការនយោបាយ និងទាញយកប្រភពធនធានប្រេងដ៏មហាសាលពីប្រទេសវេណេស៊ុយអេឡា ក្នុងរយៈពេលវែង។ នេះបើយោងតាមការផ្សាយរបស់ The New York Times នៅថ្ងៃទី៩ ខែមករានេះ។

លោកត្រាំបានបញ្ជាក់យ៉ាងច្បាស់ថា អាម៉េរិកនឹងប្រើប្រាស់ និងយកប្រេងពីប្រទេសនេះ ហើយការគ្រប់គ្រងនេះនឹងមិនមែនត្រឹមតែរយៈពេលខ្លីនោះទេ គឺអាចអូសបន្លាយពេលរាប់ឆ្នាំ។

ការថ្លែងបែបនេះធ្វើឡើងស្របពេលដែលរដ្ឋបាលរបស់លោក កំពុងរងការរិះគន់ពីអន្តរជាតិ បន្ទាប់ពីបានប្រើកម្លាំងបាយចាប់ខ្លួនប្រធានាធិបតីវេណេស៊ុយអេឡា លោក ម៉ាឌូរ៉ូ និងភរិយា កាលពីថ្ងៃទី៣ ខែមករា កន្លងទៅ។ ទន្ទឹមនឹងនេះ ព្រឹទ្ធសភាអាម៉េរិកក៏កំពុងចាត់វិធានការបោះឆ្នោតកម្រិតអំណាចយោធារបស់លោកត្រាំ ផងដែរ ដើម្បីទប់ស្កាត់ការធ្វើសង្គ្រាម ឬការចូលកាន់កាប់ប្រទេសវេណេស៊ុយអេឡាដោយឯកតោភាគី បើគ្មានការអនុញ្ញាតពីសភា៕

​