សហរដ្ឋអាមេរិក ៖ ប្រធានាធិបតីអាមេរិក លោកដូណាល់ ត្រាំ បានចុះហត្ថលេខាលើក្រិត្យមួយ ដែលបញ្ជាឲ្យសហរដ្ឋអាមេរិក ដកខ្លួនចេញពីអង្គការអន្តរជាតិ៦៦ ដែលមិនបម្រើផលប្រយោជន៍អាមេរិក ។…
សហរដ្ឋអាមេរិក ៖ ប្រធានាធិបតីអាមេរិក លោកដូណាល់ ត្រាំ បានចុះហត្ថលេខាលើក្រិត្យមួយ ដែលបញ្ជាឲ្យសហរដ្ឋអាមេរិក ដកខ្លួនចេញពីអង្គការអន្តរជាតិ៦៦ ដែលមិនបម្រើផលប្រយោជន៍អាមេរិក ។ នេះជាការប្រកាសមួយរបស់សេតវិមានតាមបណ្ដាញសង្គមX ។ រដ្ឋាភិបាលអាមេរិកបញ្ជាក់ថា ក្នុងចំណោមអង្គការទាំងនោះ មានអង្គការ៣១ទាក់ទិននឹងអ.ស.ប ។
យោងតាមអាជ្ញាធរអាមេរិកថា អង្គការទាំងនេះ ផ្ដោតពីនយោបាយបរិយាកាសរ៉ាឌីកាល់ អភិបាលកិច្ចពិភពលោកមួយ និងបណ្ដាកម្មវិធីមនោគមន៍វិទ្យា ដែលប្រឆាំងអធិបតេយ្យភាព និងកម្លាំងសេដ្ឋកិច្ចរបស់សហរដ្ឋអាមេរិក ។
តាមសេតវិមានថា ការដកខ្លួនថយនោះមានន័យថា ជាការបញ្ចប់ផ្ដល់ហិរញ្ញវត្ថុ និងការរួមវិភាគទានរបស់អាមេរិកដល់បណ្ដាអង្គការ ដែលពង្រីកកម្មវិធីសកលភាវូបនីយកម្ម ដោយមិនគិតដល់បណ្ដាអាទិភាពរបស់អាមេរិក ។
មិនមែនជាលើកទីមួយទេ ដែលរយៈពេលប៉ុន្មានខែចុងក្រោយនេះ ក្រុងវ៉ាស៊ីនតោនបានដកខ្លួនថយចេញពីស្ថាប័នមួយទាក់ទិននឹងអ.ស.ប ។ ពេលវិលចូលកាន់កាប់សេតវិមានជាថ្មី លោកត្រាំបានចុះហត្ថលេខាលើក្រិត្យពីការដកខ្លួនថយរបស់អាមេរិកចេញពីអង្គការសុខភាពពិភពWHOជាស្ថាប័នមួយមានទំនាក់ទំនងជាមួយអ.ស.ប ។
ប៉ុន្មានថ្ងៃបន្ទាប់ពីនេះ លោកត្រាំបានចេញក្រិត្យឲ្យអាមេរិកដកខ្លួនថយចេញពីក្រុមប្រឹក្សាសិទ្ធិមនុស្សអ.ស.ប ។ បន្ទាប់មក ក្នុងខែកក្កដា ប្រធានាធិបតីអាមេរិកប្រកាសពីការដកខ្លួនចេញពីអង្គការយូនេស្កូជាអង្គការខាងវប្បធម៌មួយ ៕
ចែករំលែកព័តមាននេះ