ខេត្តស្វាយរៀង ៖ នារសៀលថ្ងៃទី២៩ ខែធ្នូ ឆ្នាំ២០២៥ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និងភរិយា…
ខេត្តស្វាយរៀង ៖ នារសៀលថ្ងៃទី២៩ ខែធ្នូ ឆ្នាំ២០២៥ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និងភរិយា ព្រមទាំងប្រតិភូ នៃស្នងការដ្ឋាននគរបាលខេត្ត បានអញ្ជើញចូលរួមគោរពវិញ្ញាណក្ខន្ធសព ចំនួន ០២សព រួមមាន÷
សពលោកវរសេនីយ៍ត្រី ណង ម៉ៅកុសល្យ ជាវីរៈកងទ័ព ដែលបានពលីជីវិតក្នុងសមរភូមិទិសបឹងត្រកួន ក្នុងជន្មាយុ ៤២ឆ្នាំ ទទួលមរណភាពកាលពីថ្ងៃទី២៣ ខែធ្នូ ឆ្នាំ២០២៥ ពិធីបុណ្យប្រារព្ធធ្វើនៅភូមិបាសាក់ ឃុំបាសាក់ ស្រុកស្វាយជ្រំ ខេត្តស្វាយរៀង។ ក្នុងពិធីនោះ លោកឧត្តមសេនីយ៍ទោ ស្នងការនគរបាលខេត្ត បាននាំយកថវិកាដ៏ថ្លៃថ្លារបស់លោកជំទាវ កែ សួនសុភី ស សុខា ចំនួន ២,០០០,០០០រៀល, ថវិការបស់ស្នងការដ្ឋាននគរបាលខេត្ត និងឯកឧត្តម ខាំ សុផារី ព្រះរាជអាជ្ញា នៃអយ្យការអមសាលាដំបូងខេត្តចំនួន ២,០០០,០០០រៀល, អង្ករ ៥០គីឡូ និងទឹកសុទ្ធ ២០កេស ដើម្បីចូលរួមរំលែកទុកជាក្រុមគ្រួសារ នៃសព។
សពលោកស្រី គង់ សារឿន ជាវីរៈនារីអតីតប្រធានអង្គភាពនារីចល័តដោះមីននៅខេត្តស្វាយរៀង ក្នុងជន្មាយុ ៦៨ឆ្នាំ ទទួលមរណភាពកាលពីព្រឹកថ្ងៃទី២៨ខែធ្នូ ឆ្នាំ២០២៥ ដោយរោគាពាធ ពិធីបុណ្យប្រារព្ធធ្វើនៅវត្តសំបួរ ស្ថិតក្នុងភូមិអូរក្អាម ឃុំសំបួរ ស្រុកស្វាយទាប ខេត្តស្វាយរៀង។ ក្នុងពិធីនោះ លោកឧត្តមសេនីយ៍ទោ ស្នងការនគរបាលខេត្ត បាននាំយកថវិការបស់ស្នងការដ្ឋាននគរបាលខេត្តចំនួន ២,០០០,០០០រៀល, អង្ករ ៥០គីឡូ និងទឹកសុទ្ធ ២០កេស ដើម្បីចូលរួមរំលែកទុក្ខជាក្រុមគ្រួសារ នៃសព និងសូមបួងសួងដល់ដួងវិញ្ញាណក្ខន្ធវីរៈកងទ័ពទាំងពីរ បានទៅកាន់ឋានបរមសុខកុំបីឃ្លៀងឃ្លាតឡើយ៕
ចែករំលែកព័តមាននេះ