ខេត្តស្វាយរៀង ៖ ជាងជួសជុលអគារមីក្រូហិរញ្ញវត្ថុម្នាក់ត្រូវខ្សែភ្លើងឆក់នៅលើរន្ទា បណ្តាលឲ្យសន្លប់នៅលើអន្ទា ខណៈជនរងគ្រោះឡើងទៅជួសជុល។
ករណីនេះបានបង្កឲ្យផ្អើលមនុស្សម្នាតាមដងផ្លូវនៅវេលាម៉ោង១០ព្រឹកថ្ងៃទី២៦ធ្នូ២០២៥នៅ នៅចំណុចអគារមីក្រូហិរញ្ញវត្ថុមួយកន្លែង តាមបណ្តោយផ្លូវជាតិលេខ១ត្រង់ចំណុចខាមុខសាលាបឋមសិក្សាសាមគ្គីស្ថិតនៅភូមិព្រៃធំសង្កាត់ព្រៃអង្គុញក្រុងបាវិត។
បើតាមក្រុមជាងប្រាប់ឲ្យដឹងថា មុនកើតហេតុជនរងគ្រោះឡើងលើអន្ទា ដើម្បីជួសជុលអគារមីក្រូហិរញ្ញវត្ថុមួយកន្លែង ខណៈឡើងទៅជិតបង្គោលភ្លើង ដែលមានខ្សែកាបស្រាត ស្រាប់តែស្រូបឆក់តែម្តង។ខណៈនោះក្រុមជាងបានបិទបារ៉ែតភ្លើងរួចនាំគ្នាលើកជនរងចុះមកក្រោមរួចដឹកបញ្ជូនទៅមន្ទីរពេទ្យជីភូដើម្បីសង្គ្រោះ។
ទាក់ទិនករណីនេះដែរលោកគ្រូពេទ្យជីភូបានឲ្យដឹងថាដោយជនរងគ្រោះមានរបួសធ្ងន់ធ្ងរបានបញ្ជូនមកមន្ទីរពេទ្យខេត្តស្វាយរៀងដើម្បីសង្គ្រោះបន្តនៅម៉ោង៣និង១០នាទីរសៀលលទ្ធផលមិនទាន់ដឹងថាស្ថិតក្នុងស្ថានភាពបែបណានោះទេ។
បើតាមសមត្ថកិច្ចឲ្យដឹងថា អគារហិរញ្ញវត្ថុមួយនេះគឺសាងសង់គៀកចំណីផ្លូវ លុៈដល់ខាងអគ្គិសនីដាំបង្គោលភ្លើងតាមព្រំចំណីផ្លូវគឺនៅកៀកដំបូលអគារហើយខាងអគ្គីនីបំពាក់ខ្សែកាបស្រាត នៅពេលក្រុមជាងជួសជុលអគារដាក់អន្ទា មកកាន់តែកៀកខ្សៃភ្លើងទើបបង្កគ្រោះថ្នាក់បែបនេះសូមប្រុងប្រយត្ន័មិនគួររផ្អឹបរន្ទាមកជិតខ្សែភ្លើងបែបនេះទេ បើលើកដែកក្បែខ្សែភ្លើងត្រឹម៣បួនម៉ែត្រអាចស្រូបឆក់បាន៕
ចែករំលែកព័តមាននេះ