រាជធានីភ្នំពេញ ៖ គិតមកដល់ថ្ងៃទី២២ ធ្នូ ២០២៥នេះ មានសប្បុរសជន ស្ថាប័ន អង្គភាពរដ្ឋ និងក្រុមហ៊ុនឯកជន ចំនួនជាង២៣៥…
រាជធានីភ្នំពេញ ៖ គិតមកដល់ថ្ងៃទី២២ ធ្នូ ២០២៥នេះ មានសប្បុរសជន ស្ថាប័ន អង្គភាពរដ្ឋ និងក្រុមហ៊ុនឯកជន ចំនួនជាង២៣៥ និងប្រជាពលរដ្ឋនៅរាជធានីភ្នំពេញ ជាច្រើនទៀតផង បានបរិចាកអំណោយ ជាថវិកា ស្បៀងអាហារ គ្រឿងឧបភោគ បរិភោគ សម្ភារៈប្រើប្រាស់នានា ព្រមទាំងថ្នាំពេទ្យ តាមរយៈរដ្ឋបាលរាជធានីភ្នំពេញ ដើម្បីយកទៅចែកជូនដល់វីរកងទ័ពជួរមុខ ដែលបាននឹងកំពុងខិតខំ តស៊ូការពារបន្ទាត់ព្រំដែនកម្ពុជា យ៉ាងអង់អាចក្លាហាន មុះមុត ប្រឆាំងនឹងសត្រូវឈ្លានពាន ប្រកបដោយស្មារតី ស្នេហាជាតិមាតុភូមិ និងចែកជូនបងប្អូនប្រជាពលរដ្ឋ ដែលត្រូវបានភៀសសឹកមកកាន់មណ្ឌលសុវត្ថិភាពនានា ។
ពិធីប្រគល់ និងទទួលអំណោយមនុស្សធម៌នាថ្ងៃទី២២ ធ្នូ ២០២៥នេះ ធ្វើឡើងក្រោមវត្តមានលោក ហួត ហៃ លោក ហ៊ុន សុរិទ្ធី និងលោក ពេញ ធារម្យ អភិបាលរង តំណាងលោក ឃួង ស្រេង អភិបាលរាជធានីភ្នំពេញ នៅក្នុងបរិវេណសាលារាជធានីភ្នំពេញ ។
អំណោយដែលទទួលថ្ងៃនេះ រួមមាន៖ រដ្ឋបាលខណ្ឌឫស្សីកែវ រដ្ឋបាលខណ្ឌទួលគោក, ក្រុមហ៊ុនស្នេថេក និងសប្បុរជន ក្នុងស្រុក និងនៅក្រៅស្រុកផងដែរ នៅថ្ងៃទី២២ ធ្នូនេះ មានសប្បុរសជន ស្ថាប័ន អង្គភាពរដ្ឋ និងក្រុមហ៊ុនឯកជន ចំនួន២៣៥ និងប្រជាពលរដ្ឋនៅរាជធានីភ្នំពេញ ជាច្រើនទៀតផង បាននាំថវិកា ស្បៀងអាហារ គ្រឿងឧបភោគ បរិភោគ សម្ភារៈប្រើប្រាស់នានា ជូនមករដ្ឋបាល រាជធានីភ្នំពេញ ។
ក្នុងនាមលោក ឃួង ស្រេង លោក ហួត ហៃ លោក ហ៊ុន សុរិទ្ធី លោក ពេញ ធារម្យ បានថ្លែងនូវការអរគុណយ៉ាងជ្រាលជ្រៅចំពោះ រដ្ឋបាលខណ្ឌ និងសប្បុរសជនទាំងអស់ ដែលបាននាំយកអំណោយទាំងនេះជូនមករដ្ឋបាលរាជធានីភ្នំពេញ ដើម្បីយកទៅចែកជូនដល់វីរកងទ័ពជួរមុខ ដែលបាននឹងកំពុងខិតខំតស៊ូការពារបន្ទាត់ព្រំដែនកម្ពុជា-ថៃ ប្រកបដោយភាពអង់អាចក្លាហាន មោះមុត ប្រឆាំងនឹងសត្រូវឈ្លានពាន ក្នុងស្មារតីស្នេហាជាតិមាតុភូមិ ព្រមទាំងបងប្អូន ប្រជាពលរដ្ឋជាជនភៀសសឹក។សម្រាប់អាជ្ញាធររាជធានីភ្នំពេញ នៅតែបន្តទទួលអំណោយពីសប្បុរសជនតទៅទៀត នៅសាលារាជធានីភ្នំពេញ ៕
ចែករំលែកព័តមាននេះ