អាមេរិក-វេណេស៊ុយអេឡា ៖ នៅតំបន់សមុទ្រការ៉ាអ៊ីប ពុំមានបទឈប់បាញ់ឡើយអំឡុងពេលបុណ្យណូអែល ។ សហរដ្ឋអាមេរិក នាថ្ងៃទី២១ ធ្នូ បានដេញតាមនាវាដឹកប្រេង១គ្រឿង ដែលបើកមកកាន់វេណេស៊ុយអេឡា…
អាមេរិក-វេណេស៊ុយអេឡា ៖ នៅតំបន់សមុទ្រការ៉ាអ៊ីប ពុំមានបទឈប់បាញ់ឡើយអំឡុងពេលបុណ្យណូអែល ។ សហរដ្ឋអាមេរិក នាថ្ងៃទី២១ ធ្នូ បានដេញតាមនាវាដឹកប្រេង១គ្រឿង ដែលបើកមកកាន់វេណេស៊ុយអេឡា ក្នុងក្របខណ្ឌនៃការហ៊ុមព័ទ្ធ ដែលក្រុងវ៉ាស៊ីនតោនបានបង្កើតឡើង។
នាវានោះ ត្រូវបានបណ្ដាសារព័ត៌មានថា ជានាវាដឹកប្រេងមានឈ្មោះថា BELLA-1 ដែលជាប់ទណ្ឌកម្មអាមេរិកចាប់តាំងពីឆ្នាំ២០២៤មក ដោយសារទំនាក់ទំនងរបស់នាវានេះ ជាមួយអ៊ីរ៉ង់ និងក្រុមហេសប៊ុលឡាលីបង់ ។ តាមព័ត៌មាននានាថា នាវានោះ កំពុងធ្វើដំណើរទៅកាន់វេណេស៊ុយអេឡា ដោយមិនមានដឹកប្រេងឡើយ។ កងឆ្មាំឆ្នេរសមុទ្រអាមេរិកបានដេញតាមនាវានោះយ៉ាងសកម្ម ក្រែងចូលរួមក្នុងការគេចវាងដោយខុសច្បាប់ការដឹកប្រេងចេញពីវេណេស៊ុយអេឡា។
តាមកាសែតញូវយ៉កថែមថា កងទ័ពអាមេរិកនាថ្ងៃទី២០ ធ្នូ បានមកក្បែរនាវានេះ ហើយប៉ងចាប់បន្ទាប់ពីទទួលដីកាពីចៅក្រមសហព័ន្ធម្នាក់ តែនាវានោះនៅបន្តបើកទៅមុខ។ សហរដ្ឋអាមេរិកប្រកាសនាពេលមុននេះ ពីការបង្កើតការហ៊ុមព័ទ្ធផ្លូវទឹកជុំវិញវេណេស៊ុយអេឡា ប្រឆាំងបណ្ដានាវាដឹកប្រេង ដែលជាប់ទណ្ឌកម្ម និងបានចាប់នាវាដឹកប្រេង២គ្រឿងរួចមកហើយដោយចោទថា ដឹកប្រេងវេណេស៊ុយអេឡា។
នាវាដឹកប្រេងមួយត្រូវចាប់នាថ្ងៃទី២០ ធ្នូ ដោយកងឆ្មាំំឆ្នេរសមុទ្រអាមេរិក ក្នុងប្រតិបត្តិការមួយ ដែលក្រុងការ៉ាកាស់ចាត់ទុកថាជាការប្លន់ និងចាប់ពង្រត់់។ ប្រធានាធិបតីអាមេរិកលោកដូណាល់ត្រាំ អះអាងថា វេណេស៊ុយអេឡាបានប្រើប្រាស់ ប្រេងជាធនធានសំខាន់របស់ខ្លួនទៅបម្រើ ដល់ការរត់ពន្ធគ្រឿងញៀន ៕
ចែករំលែកព័តមាននេះ