ខេត្តកណ្តាល ៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញចូលរួមពិធីបុណ្យស.ព និងគោរពវិញ្ញាណក្ខន្ធរបស់វីរកងទ័ព ដែលបានពលីនៅក្នុងសមរភូមិការពារទឹកដីពីការឈ្លានពាន ។…
ខេត្តកណ្តាល ៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញចូលរួមពិធីបុណ្យស.ព និងគោរពវិញ្ញាណក្ខន្ធរបស់វីរកងទ័ព ដែលបានពលីនៅក្នុងសមរភូមិការពារទឹកដីពីការឈ្លានពាន ។ នេះបើយោងតាមផេកសម្តេចមហាវរធិបតី ហ៊ុន ម៉ាណែតបានប្រកាសនាយប់ថ្ងៃទី២១ ខែធ្នូនេះ ។
នៅក្នុងសំណេរខាងលើនេះដែរ សម្តេចមហាវរធិបតី ហ៊ុន ម៉ាណែត បានបញ្ជាក់ថា ៖ ជាការសោកស្តាយបំផុតមួយ សម្រាប់ប្រទេសជាតិ និងក្រុមគ្រួសារចំពោះការបាត់បង់ដ៏ធំធេងនូវវីរកងទ័ពបានពលីជីវិត ក្នុងពេលប្រយុទ្ធជាមួយសត្រូវឈ្លានពាន ក្នុងទឹកចិត្តសោកសៅជាពន់ពេក លោកជំទាវបណ្ឌិត បានអញ្ជើញចូលរួមគោរពវិញ្ញាណក្ខន្ធវីរកងទ័ពដោយផ្ទាល់ នៅគេហដ្ឋានរបស់ស.ពដែលកំពុងធ្វើបុណ្យតាមប្រពៃណីនៅស្រុកស្អាង និងស្រុកកោះធំ ខេត្តកណ្តាល ។
លោកជំទាវបណ្ឌិត ថែមទាំងបានពាំនាំប្រសាសន៍ចូលរួមរំលែកទុក្ខដ៏ក្រៀមក្រំបំផុតពីសម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមទាំងសម្តេចមហាបវរធិបតី ហ៊ុន ម៉ាណែត ជូនដល់ក្រុមគ្រួសារនៃសពផងដែរ ៕
ចែករំលែកព័តមាននេះ