រាជធានីភ្នំពេញ ៖ ក្រសួងការពារជាតិកម្ពុជា នៅរសៀលថ្ងៃទី១១ ខែធ្នូ ឆ្នាំ២០២៥ បានប្រកាសទាត់ចោល នូវការផ្សព្វផ្សាយរបស់សារព័ត៌មាន Amarin News…
រាជធានីភ្នំពេញ ៖ ក្រសួងការពារជាតិកម្ពុជា នៅរសៀលថ្ងៃទី១១ ខែធ្នូ ឆ្នាំ២០២៥ បានប្រកាសទាត់ចោល នូវការផ្សព្វផ្សាយរបស់សារព័ត៌មាន Amarin News និង The Nation Thailand ដែលបានចោទប្រកាន់ថា កម្ពុជាប្រើប្រាស់ទាហានស៊ីឈ្នួលបរទេស មកជួយបង្ហោះដ្រូនអត្តឃាតក្នុងជម្លោះព្រំដែនកម្ពុជា-ថៃ ។
ក្រសួងការពារជាតិកម្ពុជា សូមទាត់ចោល នូវខ្លឹមសារ ដែលបានចុះផ្សាយក្នុងសារព័ត៌មានថៃខាងលើនេះ និងសូមអះអាងថា ជាព័ត៌មានភូតកុហក និងជាព័ត៌មានប្រឌិត ក្លែងក្លាយ និងលាបពណ៌មកលើកម្ពុជា តែប៉ុណ្ណោះ ។
កម្ពុជាទាមទារឱ្យ ភាគីថៃបញ្ឈប់រាល់ការផ្សព្វផ្សាយព័ត៌មានមិនពិតដោយចេតនា ក្នុងគោលដៅបង្វែរការចាប់អារម្មណ៍អំពីការរំលោភបំពានច្បាប់អន្តរជាតិរបស់ខ្លួន ដោយលាបពណ៌កម្ពុជា ដើម្បីយកលេសប្រើប្រាស់អាវុធកាន់តែសាហាវមកលើកម្ពុជា ៕
ចែករំលែកព័តមាននេះ