ខេត្តបន្ទាយមានជ័យ ៖ ប្រជាពលរដ្ឋភៀសសឹកបន្តកើនឡើង នៅមណ្ឌលសុវត្ថិភាពក្នុងស្រុកមង្គលបុរី និងក្រុងសិរីសោភ័ណ្ឌ បន្ទាប់ពីថៃ បន្តការវាយប្រហារមិនរើសគោលដៅ ។ នេះបើយោងតាមផេក មន្ទីរព័ត៌មានខេត្ត…
ខេត្តបន្ទាយមានជ័យ ៖ ប្រជាពលរដ្ឋភៀសសឹកបន្តកើនឡើង នៅមណ្ឌលសុវត្ថិភាពក្នុងស្រុកមង្គលបុរី និងក្រុងសិរីសោភ័ណ្ឌ បន្ទាប់ពីថៃ បន្តការវាយប្រហារមិនរើសគោលដៅ ។ នេះបើយោងតាមផេក មន្ទីរព័ត៌មានខេត្ត បន្ទាយមានជ័យ បានប្រកាសនារសៀលថ្ងៃទី១០ ខែធ្នូ ឆ្នាំ២០២៥ ។
ទិដ្ឋភាពប្រជាពលរដ្ឋភៀសសឹក មកពីស្រុកអូរជ្រៅ ស្រុកស្វាយចេក និងស្រុកថ្មពួក នៃខេត្តបន្ទាយមានជ័យ កំពុងស្នាក់នៅមណ្ឌលសុវត្ថិភាព នៅក្នុងវត្តសមិទួមុនីសាភ័ណ(ហៅវត្តស្វាយថ្មី) ក្នុងក្រុងសិរីសោភ័ណ្ឌ ខេត្តបន្ទាយមានជ័យ នាថ្ងៃ១០ ខែធ្នូ ឆ្នាំ២០២៥នេះ ខណៈដែលកងទ័ពថៃបានពង្រីកការវាយប្រហារមិនរើសមុខ និងមិនរើសទីតាំង ចាប់តាំងពីថ្ងៃទី០៧ ខែធ្នូ រហូតមកដល់វេលាថ្ងៃត្រង់នេះ ។
គិតមកដល់ថ្ងៃទី១០ ខែធ្នូនេះ មណ្ឌលសុវត្ថិភាពក្នុងស្រុកមង្គលបុរី និងក្រុងសិរីសោភ័ណ្ឌ ខេត្តបន្ទាយមានជ័យ មានប្រជាពលរដ្ឋភៀសសឹក ប្រមាណជាង១០ ០០០គ្រួសារហើយ ខណៈអាជ្ញាធរបាន និងកំពុងខ្នះខ្នែងជួយសម្របសម្រួលនៅទីតាំងផ្ទាល់ ៕
ចែករំលែកព័តមាននេះ