រាជធានីភ្នំពេញ ៖ នៅព្រឹកថ្ងៃពុធនេះ ស្ថានទូតសហរដ្ឋអាមេរិកប្រចាំកម្ពុជា បានចេញសេចក្តីថ្លែងការណ៍សម្តែងការព្រួយបារម្ភយ៉ាងខ្លាំង ចំពោះស្ថានការណ៍ប្រយុទ្ធគ្នាដែលកំពុងបន្តកើតឡើងយ៉ាងក្តៅគគុក នៅតាមបណ្តោយព្រំដែនកម្ពុជា-ថៃ ដែលបាន និងកំពុងបង្កគ្រោះថ្នាក់ និងបាត់បង់អាយុជីវិតមនុស្ស…
រាជធានីភ្នំពេញ ៖ នៅព្រឹកថ្ងៃពុធនេះ ស្ថានទូតសហរដ្ឋអាមេរិកប្រចាំកម្ពុជា បានចេញសេចក្តីថ្លែងការណ៍សម្តែងការព្រួយបារម្ភយ៉ាងខ្លាំង ចំពោះស្ថានការណ៍ប្រយុទ្ធគ្នាដែលកំពុងបន្តកើតឡើងយ៉ាងក្តៅគគុក នៅតាមបណ្តោយព្រំដែនកម្ពុជា-ថៃ ដែលបាន និងកំពុងបង្កគ្រោះថ្នាក់ និងបាត់បង់អាយុជីវិតមនុស្ស ។
ជាក់ស្តែងបើយោងតាមផេកស្ថានទូតសហរដ្ឋអាមេរិកកម្ពុជា បានផ្សាយនាព្រឹកថ្ងៃទី១០ខែធ្នូ ឆ្នាំ២០២៥ ថា ៖ សហរដ្ឋអាមេរិកមានការព្រួយបារម្ភចំពោះការប្រយុទ្ធជាបន្តដែលបង្កគ្រោះថា្នក់ និងការបាត់បង់ជីវិត នៅតាមកន្លែងជាច្រើនតាមបណ្តោយព្រំដែនប្រទេសកម្ពុជា–ថៃ ។
ស្ថានទូតសហរដ្ឋអាមេរិកកម្ពុជា បានបញ្ជាក់ថា យើងទទូចជាខ្លាំងឱ្យបញ្ឈប់ជាបន្ទាន់នូវអរិភាពនេះ និងការការពារជនស៊ីវិល ព្រមទាំងស្នើភាគីទាំងពីរ ឱ្យវិលត្រឡប់ទៅគោរពវិធានក្នុងការកាត់បន្ថយភាពតានតឹង ដែលមានចែងក្នុងកិច្ចព្រមព្រៀងសន្តិភាពនៅទីក្រុងកូឡាឡំពួរ ថ្ងៃទី២៦ ខែតុលា ដែលបានចុះហត្ថលេខាដោយ លោកនាយករដ្ឋមន្ត្រី ប្រទេសកម្ពុជា និងថៃ និងបានធ្វើជាសាក្សីដោយលោកប្រធានាធិបតីអាមេរិក ដូណាល់ ត្រាំ និងនាយករដ្ឋមន្ត្រីម៉ាឡេស៊ី អានវ៉ា អ៊ីប្រាហ៊ីម ៕
ចែករំលែកព័តមាននេះ