រយៈពេលប៉ុន្មានម៉ោងចុងក្រោយនេះ ប្រធានាធិបតីអាមេរិកបានផ្ញើការរិះគន់ថ្មីទៀតដល់លោកវ៉ូឡូឌីមៀរ ហ្សេឡេនស្គី ថា មិនបានអានសំណើសន្តិភាពអ៊ុយក្រែនរបស់លោក លាតត្រដាងចាប់តាំងពី៣សប្ដាហ៍មកហើយ និងដែលជាកម្មវត្ថុនៃការចរចាដាច់ដោយឡែក ពីគ្នាជាមួយក្រុងម៉ូស្គូ និងក្រុងគៀវ ។…
រយៈពេលប៉ុន្មានម៉ោងចុងក្រោយនេះ ប្រធានាធិបតីអាមេរិកបានផ្ញើការរិះគន់ថ្មីទៀតដល់លោក
វ៉ូឡូឌីមៀរ ហ្សេឡេនស្គី ថា មិនបានអានសំណើសន្តិភាពអ៊ុយក្រែនរបស់លោក លាតត្រដាងចាប់តាំងពី៣សប្ដាហ៍មកហើយ និងដែលជាកម្មវត្ថុនៃការចរចាដាច់ដោយឡែក ពីគ្នាជាមួយក្រុងម៉ូស្គូ និងក្រុងគៀវ ។
ពេលឆ្លើយតបសំនួររបស់អ្នកកាសែត នៅក្រុងវ៉ាស៊ីនតោនលោកត្រាំថ្លែងថា យើងបាននិយាយទៅកាន់ប្រធានាធិបតីរុស្ស៊ី លោកវ្ល៉ាឌីមៀរ ពូទីន ហើយយើងក៏និយាយជាមួយបណ្ដាមេដឹកនាំអ៊ុយក្រែន ហើយខ្ញុំនិយាយថាខ្ញុំ្ញមានការខកចិត្តបន្តិច ដែលលោកហ្សេ ឡេនស្គី នៅមិនទាន់អានសំណើយើង សំដៅស្វែងរកដំណោះស្រាយមួយនៅអ៊ុយក្រែន។ រឿងដែនដីនៅតែជាបញ្ហាលំបាកក្នុងការចរចា ។ ក្រុងម៉ូស្គូទាមទារឲ្យកងទ័ពអ៊ុយក្រែនដកចេញពីមួយផ្នែកនៃបណ្ដាតំបន់ស្ថិតក្រោមការត្រួតត្រារបស់ខ្លួន ។
លោកពូទីននឹងមិនចុះហត្ថលេខាលើកិច្ចព្រមព្រៀងដែលអ៊ុយក្រែនមិនព្រមបោះបង់ដែនដីនៅតំបន់ដុនបាស់នាភាគខាងកើតប្រទេសឡើយ ។
សេតវិមានជម្រុញអ៊ុយក្រែនឲ្យអនុម័តដោយឆាប់រហ័សផែនការបញ្ចប់សង្គ្រាម តែក្រុងគៀវមិនព្រមទទួលដោយមិនពិនិត្យលើភាពលម្អិតឡើយ។ លោកហ្សេឡេនស្គីអះអាងនាយប់ថ្ងៃទី៨ ធ្នូ ថា លោកគ្មានសិទ្ធិផ្លូវច្បាប់ ឬសីលធម៌ ក្នុងការលះបង់ឲ្យរុស្ស៊ី បណ្ដាដែនដីអ៊ុយក្រែនឡើយ ។ បញ្ហាដែនដីជាបញ្ហាស្នូលនៃការចរចាដែលកំពុងធ្វើលើផែនការសន្តិភាព ក្រោមអាជ្ញាកណ្ដាលរបស់អាមេរិក ។
នាថ្ងៃទី៨ ធ្នូ មានកិច្ចប្រជុំមួយនៅទីក្រុងឡុងដ៍ រវាងនាយករដ្ឋមន្ត្រីអង់គ្លេស អធិការបតីអាល្លឺម៉ង់ ប្រធានាធិបតីបារាំង និងប្រធានាធិបតីអ៊ុយក្រែន ផ្ដោតលើផែនការសន្តិភាពរបស់អាមេរិក ។
នាឱកាសនោះ មេដឹកនាំអឹរ៉ុបទាំង៣រូបបានសម្ដែងសាមគ្គីភាពជាមួយអ៊ុយក្រែន ដោយប្រធានាធិបតីបារាំងលោកអេមម៉ានុយអែលម៉ាក្រុងថ្លែងថា អឺរ៉ុបនិងអ៊ុយក្រែនមានសន្លឹកបៀរច្រើនក្នុងដៃ រវាងជំនួយហិរញ្ញវត្ថុដល់អ៊ុយក្រែន ការតស៊ូរបស់កងទ័ពអ៊ុយក្រែនចំពោះកងទ័ពរុស្ស៊ី និងឥទ្ធិពលនៃទណ្ឌកម្មអឺរ៉ុប និងអាមេរិកលើសេដ្ឋកិច្ចរុស្ស៊ី ៕
ចែករំលែកព័តមាននេះ