ខេត្តសៀមរាប ៖ អគ្គនាយក នៃអគ្គនាយកដ្ឋានពន្ធនាគារ បានដឹកនាំប្រតិបត្តិការជម្លៀសជនជាប់ឃុំជាបន្ទាន់មួយ នៅយប់ថ្ងៃទី០៨ ខែធ្នូ ឆ្នាំ២០២៥ ដែលមានហានិភ័យខ្ពស់ ដោយការទម្លាក់គ្រាប់បែករបស់ថៃ…
ខេត្តសៀមរាប ៖ អគ្គនាយក នៃអគ្គនាយកដ្ឋានពន្ធនាគារ បានដឹកនាំប្រតិបត្តិការជម្លៀសជនជាប់ឃុំជាបន្ទាន់មួយ នៅយប់ថ្ងៃទី០៨ ខែធ្នូ ឆ្នាំ២០២៥ ដែលមានហានិភ័យខ្ពស់ ដោយការទម្លាក់គ្រាប់បែករបស់ថៃ ត្រូវបានបញ្ជូនមកឃុំខ្លួនបន្ត ជាបណ្តោះអាសន្ននៅពន្ធនាគារខេត្តសៀមរាប ដែលជាតំបន់មានសុវត្ថិភាព ។
ជាក់ស្តែងអគ្គនាយកដ្ឋានពន្ធនាគារ បានប្រកាសនាព្រឹកថ្ងៃទី០៩ ខែធ្នូនេះថា ៖ នៅរាត្រីទី០៨ ខែធ្នូ ឆ្នាំ២០២៥ ដោយទទួលបានគោលការណ៍អនុញ្ញាត និងមតិដឹកនាំដ៏ខ្ពង់ខ្ពស់ពី ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រី្តក្រសួងមហាផ្ទៃ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ រួមជាមួយសហការី និងមានកិច្ចសហការជាមួយអគ្គស្នងការដ្ឋាននគរបាលជាតិ អាជ្ញាធរខេត្តពាក់ព័ន្ធ បានធ្វើការជម្លៀសជនជាប់ឃុំចំនួន១០៦៦នាក់ ស្រី៦៧នាក់ ពីពន្ធនាគារខេត្តឧត្តរមានជ័យ ដែលមានហានិភ័យខ្ពស់ ដោយការទម្លាក់គ្រាប់បែក និងគ្រាប់ផ្លោងពីការឈ្លានពានសៀម ទៅឃុំបន្តនៅពន្ធនាគារខេត្តសៀមរាប ។
ក្នុងប្រតិបត្តិការផ្ទេរនេះ ត្រូវបានបិទបញ្ចប់នៅថ្ងៃទី៩ ខែឆ្នូ ឆ្នាំ ២០២៥ វេលាម៉ោង៤:៤០ នាទីទៀបភ្លឺ ប្រកបដោយសុវត្ថិភាពខ្ពស់ ដោយប្រើប្រាស់រថយន្តសរុបចំនួន៣២គ្រឿង និងមន្ត្រីសរុបចំនួន២២១នាក់ ៕
ចែករំលែកព័តមាននេះ