ខេត្ត​ឧត្តរ​មាន​ជ័​យ ៖ ជន​ជាប់​ឃុំចំនួន​១០៦៦​នាក់​ត្រូវ​បាន​កម្លាំង អគ្គនាយកដ្ឋាន​ពន្ធនាគារ សហការ​ជាមួយ​អគ្គស្នងការដ្ឋាន​នគរបាល​ជាតិ និង​អាជ្ញាធរ​ខេត្ត​ពាក់ព័ន្ធ បាន​ធ្វើការ​ជម្លៀស​ចេញពី​ពន្ធនាគារ​ខេត្តឧត្តរមានជ័យ​ទាំង​យប់ ដើម្បី​គេច​ពី​ការ​ទម្លាក់​គ្រាប់បែក និង​គ្រាប់​ផ្លោង​ពី​ការ​ឈ្លានពាន​ថៃ​ ទៅ​ឃុំ​បន្ត​នៅ​ពន្ធនាគារ​ខេត្តសៀមរាប​ដើម្បី​សុ​វត្តិភាព​។

តាម​អគ្គនាយកដ្ឋាន​ពន្ធនាគារ​បាន​ឲ្យ​ដឹង​ថា នៅ​រាត្រី​ទី​០៨ ខែធ្នូ ឆ្នាំ​២០២៥ ដោយ​ទទួល​បាន​គោលការណ៍​អនុញ្ញាត និង​មតិ​ដឹកនាំ​ដ៏​ខ្ពង់ខ្ពស់​ពី ឯកឧត្តម​អភិ​សន្តិ​បណ្ឌិត ស សុខា ឧបនាយករដ្ឋមន្ត្រី រដ្ឋ​ម​ន្រី្ត​ក្រសួងមហាផ្ទៃ​, ឯកឧត្តម ឧត្តម​អគ្គានុរក្ស​ថ្នាក់​លេខ​១ ឈ​ន សា​ណាត អគ្គនាយក នៃ​អគ្គនាយកដ្ឋាន​ពន្ធនាគារ រួម​ជាមួយ​សហការី និង​មាន​កិច្ចសហការ​ជាមួយ​អគ្គស្នងការដ្ឋាន​នគរបាល​ជាតិ អាជ្ញាធរ​ខេត្ត​ពាក់ព័ន្ធ បាន​ធ្វើការ​ជម្លៀស​ជន​ជាប់​ឃុំ ចំនួន​១០៦៦​នាក់ ស្រី​៦៧​នាក់ ពី​ពន្ធនាគារ​ខេត្តឧត្តរមានជ័យ ដែល​មាន​ហានិភ័យ​ខ្ពស់​ដោយ​ការ​ទម្លាក់​គ្រាប់បែក និង​គ្រាប់​ផ្លោង​ពី​ការ​ឈ្លានពាន​សៀម ទៅ​ឃុំ​បន្ត​នៅ​ពន្ធនាគារ​ខេត្តសៀមរាប​។

តាម​អគ្គនាយកដ្ឋាន​ពន្ធនាគារ​បាន​ឲ្យ​ដឹង​ទៀត​ថា ក្នុង​ប្រតិបត្តិការ​ផ្ទេរ​ជនជាប់ឃុំនេះ​ត្រូវ​បាន​បិទ​បញ្ចប់​នៅ​ថ្ងៃ​៩​ខែ​ឆ្នូ ឆ្នាំ ២០២៥ វេលា​ម៉ោង​៤:៤០ នាទី​ទៀប​ភ្លឺ ប្រកបដោយ​សុវត្ថិភាព​ខ្ពស់ ដោយ​ប្រើប្រាស់​រថយន្ត​សរុប​ចំនួន​៣២​គ្រឿង និង​មន្ត្រី​សរុប​ចំនួន​២២១​នាក់​៕