រាជធានីភ្នំពេញ ៖ ក្រុមចាប់ជំរិតជនជាតិចិននិងខ្មែរចំនួន ៧នាក់ត្រូវបានកម្លាំងនគរបាលខណ្ឌសែនសុខស្រាវជ្រាឃាត់ខ្លួនបានជាបន្តបន្ទាប់ព្រមទាំងរំដោះជនរងគ្រោះចំនួនពីរនាក់បន្ទាប់ពីធ្វើការភាពចាប់ឃុំឃាំងមនុស្សដោយខុសច្បាប់ និងជំរិតទារប្រាក់ ចំនួន៣ម៉ឺនដុល្លារនិងជួញដូរមនុស្ស។ ជនសង្ស័យទាំង៧នាក់ខាងលើរួមមាន ១-ឈ្មោះ XIAO YAUN…
រាជធានីភ្នំពេញ ៖ ក្រុមចាប់ជំរិតជនជាតិចិននិងខ្មែរចំនួន ៧នាក់ត្រូវបានកម្លាំងនគរបាលខណ្ឌសែនសុខស្រាវជ្រាឃាត់ខ្លួនបានជាបន្តបន្ទាប់ព្រមទាំងរំដោះជនរងគ្រោះចំនួនពីរនាក់បន្ទាប់ពីធ្វើការភាពចាប់ឃុំឃាំងមនុស្សដោយខុសច្បាប់ និងជំរិតទារប្រាក់ ចំនួន៣ម៉ឺនដុល្លារនិងជួញដូរមនុស្ស។
ជនសង្ស័យទាំង៧នាក់ខាងលើរួមមាន ១-ឈ្មោះ XIAO YAUN ភេទប្រុស អាយុ៣៨ឆ្នាំ ជនជាតិចិន (មិនមានលិខិតឆ្លងដែន) មុខរបរមិនប្រាកដ ស្នាក់នៅផ្ទះលេខ៤១ ផ្លូវ១បុរីពិភពថ្មី ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ មានសារធាតុញៀន ២-ឈ្មោះ QI TIANYU ភេទប្រុស អាយុ៣៥ឆ្នាំ ជនជាតិចិន (មិនមានលិខិតឆ្លងដែន) មុខរបរមិនប្រាកដ ស្នាក់នៅផ្ទះលេខ៤១ ផ្លូវ១បុរីពិភពថ្មីភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
៣-ឈ្មោះ ZOU LOU ភេទប្រុស អាយុ៣៨ឆ្នាំ ជនជាតិចិន (មិនមានលិខិតឆ្លងដែន) មុខរបរមិនប្រាកដ ស្នាក់នៅផ្ទះលេខ៤១ ផ្លូវ១បុរីពិភពថ្មីភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ មានសារធាតុញៀន ៤-ឈ្មោះ JIANG HAIFENG ភេទប្រុស អាយុ២៦ឆ្នាំ ជនជាតិចិន កាន់លិខិតឆ្លងដែន ED9869381 មុខរបរមិនប្រាកដ ស្នាក់នៅផ្ទះលេខ៤១ផ្លូវ១បុរីពិភពថ្មី ភូមិពោងពាយ សង្កាត់ភ្នំពេញថ្មី ខណ្ឌសែនសុខ ររាជធានីភ្នំពេញ មានសារធាតុញៀន ៥-ឈ្មោះ YANG GUANG ភេទប្រុស អាយុ៣៨ឆ្នាំ ជនជាតិចិន (មិនមានលិខិតឆ្លងដែន) មុខរបរមិនប្រាកដ ស្នាក់នៅផ្ទះលេខ៤១ ផ្លូវ១បុរីពិភពថ្មីភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
៦-ឈ្មោះ សឹង សំអ៊ាត ភេទប្រុស អាយុ៤៣ឆ្នាំ ជនជាតិខ្មែរ មុខរបរបេីកឡាន ស្នាក់នៅផ្ទះលេខ៤១ ផផ្លូវ១បុរីពិភពថ្មី ភូមិពោងពាយ សង្កាត់ភ្នំពេញថ្មី ខណ្ឌសែនសុខ ររាជធានីភ្នំពេញ មានសារធាតុញៀន និង៧-ឈ្មោះ ម៉ែន សុមុនី ភេទប្រុស អាយុ៤២ឆ្នាំ ជនជាតិខ្មែរ មុខរបរបើកឡាន ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ មានសារធាតុញៀនធ្លាប់ជាប់ពន្ធនាគារ។
ចំណែកជនរងគ្រោះទាំង២នាក់ខាងលើ រួមមាន១-ឈ្មោះ HU XIAOHUI ភេទប្រុស អាយុ២៧ឆ្នាំ ជនជាតិចិន មុខរបរ កម្មករសំណង់ និង២-ឈ្មោះ WANG XUZONG ភេទប្រុស អាយុ៣៣ឆ្នាំ ជនជាតិចិន មុខរបរ កម្មករសំណង់។
តាមនគរបាលខណ្ឌសែនសុខបានឲ្យដឹងថា ជនសង្ស័យទាំង ៧នាក់ត្រូវបានកម្លាំងសមត្ថកិច្ចឃាត់ខ្លួនបានជាបន្តបន្ទាប់កាលពីថ្ងៃទី២៨ និងថ្ងៃទី២៩ ខែវិច្ឆិកាឆ្នាំ ២០២៥បន្ទាប់ពីធ្វើសកម្មភាពជូញដូរមនុស្សដោយមានគោលដៅ ប្រព្រឹត្តនៅចំណុចផ្ទះលេខ៤១ ផ្លូវ០១ (បុរីពិភពថ្មី) ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីថ្ងៃទី២៦ ខែវិច្ឆិកា ឆ្នាំ២០២៥ វេលាម៉ោងប្រហែល២១:០០នាទី និងអំពើចាប់ឃុំឃាំងមនុស្សដោយខុសច្បាប់(បង្ខាំងជនរងគ្រោះនៅក្នុងបន្ទប់) នៅចំណុចផ្ទះលេខ១៨បុរីភ្នំពេញថ្មី ផ្លូវ០១ ភូមិត្រពាំងថ្លឹង៣ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ នៅថ្ងៃទី២៩ ខែវិច្ឆិកា ឆ្នាំ២០២៥ វេលាម៉ោង០៩និង៣០នាទី ។
តាមនគរបាលបានឲ្យដឹងទៀតថា នៅថ្ងៃទី២៨ ខែវិច្ឆិកា ឆ្នាំ២០២៥ វេលាម៉ោងប្រហែល ២៣និង០០នាទី នៅចំណុចផ្ទះលេខ ៤១ ផ្លូវ១បុរីពិភពថ្មីភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ មានជន សង្ស័យ០១ក្រុម ជនជាតិចិន បានធ្វើសកម្មភាពចាប់បង្ខាំងនិងដាក់ខ្នោះដៃ ជនជាតិចិនដែលស្នាក់នៅជាមួយគ្នានិងជំរិតទារប្រាក់ចំនួន៣ ម៉ឺនដុល្លា និងបន្តធ្វើសកម្មភាពចង់នាំយកជនរងគ្រោះឈ្មោះ HU XIAOHUI ភេទប្រុស អាយុ២៧ ឆ្នាំ ទៅលក់ទៀត។
បន្ទាប់ពីទទួលព័ត៌មាន បាន និងសាកសួរបំភ្លឺជនរងគ្រោះ រួច កម្លាំងប៉ុស្តិ៍ នគរបាលរដ្ឋបាលភ្នំពេញថ្មី បានសហការជាមួយផ្នែកជំនាញនៃអធិការដ្ឋាននគរបាលខណ្ឌសែនសុខ បានចុះ ដល់ចំណុចកើតហេតុ ដោយបានការអនុញាតិពីលោក ហាង សម្បត្តិ ព្រះរាជអាជ្ញារង ឲ្យសមត្ថកិច្ច បង្កើតគណកម្មាការចំរុះ ចូលត្រួតពិនិត្យនៅក្នុងផ្ទះកើតហេតុ ដកហូតបានវត្ថុតាង ១-កុំព្យូទ័រ០១ គ្រឿង ២-ខ្នោះដៃ ចំនួន០១គូរ ៣-ឧបករណ៍ប្រើប្រាស់គ្រឿងញៀន មួយចំនួន និងធ្វើការឃាត់ខ្លួន ជនសង្ស័យ០២នាក់ដែលជាជនជាតិខ្មែរ។
តាមចម្លើយសារភាពសមត្ថកិច្ចបន្តស្រាវជ្រាវហើយឈានទៅឃាត់ខ្លួនបានជនសង្ស័យជាជនជាតិចិនចំនួន ៥ នាក់ទៀតនិងរំដោះបានជនរងគ្រោះម្នាក់ដែលកំពុងនៅក្នុងផ្ទះជួល១៨ បុរីភ្នំពេញថ្មី ផ្តួលេខ១ ភូមិត្រពាំងថ្លឹង សង្កាត់ចោមចៅ១ ខណ្ឌ ពោធិ៍សែនជ័យ រាជធានីភ្នំពេញ។
បន្ទាប់ពីឃាត់ខ្លួនជនសង្ស័យបានសារភាពថា កាលពីយប់ថ្ងៃទី២៦ ខែវិច្ឆិកា ឆ្នាំ២០២៥ និងកាលពីថ្ងៃទី២៩ ខែវិច្ឆិកា ឆ្នាំ២០២៥ខ្លួន ពិតជាបានចាប់ បង្ខាំងជនរងគ្រោះ WANG XUZONG នៅក្នុងផ្ទះជួលលេខ១៨ បុរីភ្នំពេញថ្មី ភូមិត្រពាំងថ្លឹង សង្កាត់ ចោមចៅ១ ខណ្ឌពោធិសែនជ័យ ប្រាកដមែន តាម ការបញ្ជារបស់ថៅកែឈ្មោះ ស៊ែវ អ៊ូ ភេទ ប្រុស អាយុប្រហែល ឆ្នាំ២០២៥ ជនជាតិចិន និងកន្លងមក ក្រុមជនសង្ស័យក៏បានធ្លាប់ដឹកជនរង គ្រោះ ចំនួន០៤នាក់ ជនជាតិចិន យកទៅលក់ នៅក្រុងបាវិត និងក្រុងប៉ោយប៉ែត កាលពីថ្ងៃមិនចាំ ខែវិច្ឆិកា ឆ្នាំ២០២៥ ។
បន្ទាប់បំផុតខ្លួនសមត្ថកិច្ចដករហូតបានវត្ថុតាងចាប់យករួមមាន ១,កុំព្យូទ័រចំនួន០១គ្រឿង ២,ខ្នោះដៃ ចំនួន០១គូរ ០៣,ឧបករណ៍ប្រេីប្រាស់គ្រឿងញៀនមួយចំនួន ៤,ទូរស័ព្ទចំនួន០៦គ្រឿង ០៥,កាំបិតចំនួន០២(របស់ជនសង្ស័យ)។
ជនសង្ស័យត្រូវបានសមត្ថកិច្ចឃាត់ខ្លួនបណ្ដោះសន្សំនូវអធិការដ្ឋាននគរបាលខណ្ឌសែនសុខដើម្បីសាកសួរនិងកសាងសំណុំរឿងចាត់ការតាមច្បាប់៕
ចែករំលែកព័តមាននេះ