រាជធានីភ្នំពេញ ៖ ផ្ទះប្រជាពលរដ្ឋមួយកន្លែងនៅគីឡូម៉ែត្រលេខ៧ តាមផ្លូវបេតុងក្រុម៧ ភូមិខ១សង្កាត់ច្រាំងចំរេះទី២ ខណ្ឌប្ញស្សីកែវ រាជធានីភ្នំពេញ ត្រូវបានអគ្គិភ័យឆាបឆេះយ៉ាងសន្ធោសន្ធៅ បណ្តាលឲ្យសម្ភារៈប្រើប្រាស់រងការខូចខាតទាំងស្រុង ។…
រាជធានីភ្នំពេញ ៖ ផ្ទះប្រជាពលរដ្ឋមួយកន្លែងនៅគីឡូម៉ែត្រលេខ៧ តាមផ្លូវបេតុងក្រុម៧ ភូមិខ១សង្កាត់ច្រាំងចំរេះទី២ ខណ្ឌប្ញស្សីកែវ រាជធានីភ្នំពេញ ត្រូវបានអគ្គិភ័យឆាបឆេះយ៉ាងសន្ធោសន្ធៅ បណ្តាលឲ្យសម្ភារៈប្រើប្រាស់រងការខូចខាតទាំងស្រុង ។ ហេតុការណ៍នេះ បង្កឲ្យមានការភ្ញាក់ផ្អើលនៅវេលាម៉ោង៦យប់ថ្ងៃទី២៨ ខែវិចិ្ឆកា ឆ្នាំ២០២៥ ។
តាមព័ត៌មានបានឱ្យដឹងថា នៅមុនពេលកើតហេតុ គេឃើញភ្លើងបានឆាបឆេះចេញពីក្នុងផ្ទះយ៉ាងសន្ធោសន្ធៅ បង្កឲ្យមានការភ្ញាក់ផ្អើលដល់ប្រជាពលរដ្ឋក្បែរខាងនាំគ្នាជញ្ជូនអីវ៉ាន់ចេញព្រមទាំងទាក់ទងហៅរថយន្តពន្លត់អគ្គិភ័យទៅជួយអន្តរាគមន៍បាញ់ពន្លត់ ។
តាមនគរបាលការិយាល័យបង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍នោះ រថយន្តពន្លត់អគ្គិភ័យចំនួន៦គ្រឿង បានទៅអន្តរាគមន៍បាញ់ពន្លត់ ហើយភ្លើងបានរលត់ទៅវិញនៅវេលាម៉ោង៦និង៤៥នាទីយប់ថ្ងៃដដែល ។
តាមនគរបាលបានឲ្យដឹងទៀតថា ផ្ទះដែលត្រូវភ្លើងឆាបឆេះជាប្រភេទផ្ទះថ្មប្រក់ស័ង្កសី មានទំហំ០៥ម៉ែត្រគុណ១៦ម៉ែត្រ ដែលមានម្ចាស់ ឈ្មោះ យ៉េប អូន ភេទស្រី អាយុ៥២ឆ្នាំ ជនជាតិខ្មែរមុខរបរនៅផ្ទះ ។
អគ្គិភ័យនេះ បណ្ដាលឱ្យសម្ភារៈមួយចំនួនបានរងការខូចខាតរួមមាន ទូទឹកកក កង្ហារ សម្ភារប្រើប្រាសប្រចាំថ្ងៃអស់ទាំងស្រុង ហើយភ្លើងពុំបណ្ដាឲ្យឆេះរាលដាលទៅដល់ផ្ទះអ្នកជិតខាងឡើយ។អគ្គិភ័យនេះ បណ្ដាលមកពីឆ្លងចរន្តអគ្គិសនី ៕
ចែករំលែកព័តមាននេះ