រាជធានីភ្នំពេញ ៖ ករណីអគ្គិភ័យឆាបឆេះផ្ទះមួយកន្លែង ដែលស្ថិតនៅចំណុចសង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញ នាវេលាម៉ោង៦និង០០នាទីល្ងាចថ្ងៃទី២៨ ខែវិច្ឆិកា ឆ្នាំ២០២៥ ។…
រាជធានីភ្នំពេញ ៖ ករណីអគ្គិភ័យឆាបឆេះផ្ទះមួយកន្លែង ដែលស្ថិតនៅចំណុចសង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញ នាវេលាម៉ោង៦និង០០នាទីល្ងាចថ្ងៃទី២៨ ខែវិច្ឆិកា ឆ្នាំ២០២៥ ។ ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យទៅជួយអន្តរាគមន៍ផងដែរ ។
ដោយឡែក បើតាមរដ្ឋបាលខណ្ឌឫស្សីកែវ បានឲ្យដឹងថា នាល្ងាចថ្ងៃសុក្រនេះ ដោយបានទទួលបានដំណឹងនេះភ្លាមៗ ពីករណីអគ្គិភ័យឆាបឆេះផ្ទះបងប្អូនប្រជាពលរដ្ឋមួយកន្លែង ស្ថិតសង្កាត់សង្កាត់ច្រាំងចំរេះទី២ លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌ បានសហការជាមួយកម្លាំងការិយាល័យពន្លត់ ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានចុះអន្ដរាគមន៍ពន្លត់បានទាន់ពេលវេលា ។
យ៉ាងណាចំពោះហេតុការណ៍គ្រោះអគ្គិភ័យនេះ នៅមិនទាន់ដឹងទំហំនៃការខូចខាតនៅឡើយ ខណៈសមត្ថកិច្ចជំនាញ កំពុងធ្វើការស្រាវជ្រាវរកមូលហេតុដែលបង្កជាអគ្គិភ័យខាងលើនេះ ។
សូមជម្រាបជូនផងដែរថា សម្រាប់ទីតាំងរងគ្រោះដោយអគ្គិភ័យខាងលើនេះ បើគ្មានការអន្តរាគមន៍សង្គ្រោះបានទាន់ពេលវេលានោះទេ នោះ ទំហំ នៃការរងគ្រោះ អាចនឹងធំជាងនេះ ៕
ចែករំលែកព័តមាននេះ