ដើម្បីកាត់បន្ថយការកកស្ទះ! ក្រសួងណែនាំឱ្យប្រើប្រាស់គន្លង ETC នៅខាងឆ្វេងបង្អស់
- ព្រះសីហនុ
ខេត្តព្រះសីហនុ ៖ ក្រសួងសាធារណការ និងដឹកជញ្ជូន បានប្រកាស នារសៀលថ្ងៃទី២៨ ខែវិច្ឆិកា ឆ្នាំ២០២៥នេះថា ៖ សូមឈ្វេងយល់អំពីព័ត៌មាន…
ខេត្តព្រះសីហនុ ៖ ក្រសួងសាធារណការ និងដឹកជញ្ជូន បានប្រកាស នារសៀលថ្ងៃទី២៨ ខែវិច្ឆិកា ឆ្នាំ២០២៥នេះថា ៖ សូមឈ្វេងយល់អំពីព័ត៌មាន ការប្រើប្រាស់គន្លងអាទិភាព ETC សម្រាប់ចេញចូល ផ្លូវល្បឿនលឿនភ្នំពេញ-ក្រុងព្រះសីហនុ ។
ក្រសួងសាធារណការ និងដឹកជញ្ជូន បានបញ្ជាក់ថា ដើម្បីកាត់បន្ថយការកកស្ទះ បង្កើនប្រសិទ្ធភាពចរាចរណ៍ចេញចូលនៅបញ្ជរបង់ប្រាក់ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ
សូមអំពាវនាវដល់សាធារណជនទាំងអស់ ស្វែងយល់ឱ្យកាន់តែច្បាស់ អំពីការប្រើប្រាស់គន្លងអាទិភាព ETC ដែលនៅខាងឆ្វេងបង្អស់ អនុញ្ញាតឱ្យអ្នកធ្វើដំណើរចេញចូលបានលឿនរហ័ស ដោយមិនចាំបាច់រង់ចាំយូរ ។
ក្រសួងសាធារណការ ក៏បានបន្ថែមថា គោរពលក្ខខណ្ឌនៃការប្រើប្រាស់ផ្លូវល្បឿនលឿនក៏ដូចជាច្បាប់ចរាចរណ៍ផ្លូវគោកអោយបានខ្ជាប់ខ្ជួន កុំបើកបរលើសល្បឿនកំណត់ និងកុំបើកបរបញ្ច្រាសទិសចរាចរណ៍ ។
ក្រសួងសាធារណការ និងដឹកជញ្ជូន សូមអំពាវនាវដល់បងប្អូនប្រជាពលរដ្ឋគ្រប់រូប មេត្តាអនុវត្តតាមលក្ខខណ្ឌក្នុងការប្រើប្រាស់ផ្លូវល្បឿនលឿន ព្រមទាំងចូលរួមគោរពច្បាប់ស្តីពីចរាចរណ៍ផ្លូវគោក ឱ្យបានខ្ជាប់ខ្ជួន កុំបើកបរលើសល្បឿនកំណត់ និងកុំបើកបរបញ្ច្រាសទិសចរាចរណ៍។ សូមបើកបរដោយសុវត្ថិភាព ៕
ចែករំលែកព័តមាននេះ