ខេត្តកំពង់ឆ្នាំង ៖ កម្លាំងចម្រុះខេត្តកំពង់ឆ្នាំង ឃាត់បានរថយន្តធំចំនួន ៤គ្រឿង ដឹកដើមអាកាស្យា លើសទម្ងន់កម្រិតកំណត់ ។ នេះបើយោងតាម រដ្ឋបាលខេត្តកំពង់ឆ្នាំង…
ខេត្តកំពង់ឆ្នាំង ៖ កម្លាំងចម្រុះខេត្តកំពង់ឆ្នាំង ឃាត់បានរថយន្តធំចំនួន ៤គ្រឿង ដឹកដើមអាកាស្យា លើសទម្ងន់កម្រិតកំណត់ ។ នេះបើយោងតាម រដ្ឋបាលខេត្តកំពង់ឆ្នាំង បានប្រកាសនាព្រឹកថ្ងៃទី២៨ ខែវិច្ឆិកា ឆ្នាំ២០២៥ ។
រដ្ឋបាលខេត្តកំពង់ឆ្នាំង បានបញ្ជាក់ថា អនុវត្តតាមណែនាំរបស់ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងជាប្រធានគណ:បញ្ជាការឯកភាពខេត្ត នៅវេលាល្ងាច ថ្ងៃទី២៧ ខែវិច្ឆិកា ឆ្នាំ២០២៥ កម្លាំងចម្រុះខេត្ត និងស្រុកសាមគ្គីមានជ័យ ដឹកនាំដោយលោក ជា សុខរិទ្ធិ អភិបាលរងខេត្ត និងលោក ឈួន ចាន់ណា អភិបាលស្រុកសាមគ្គីមានជ័យ បានចុះល្បាតត្រួតពិនិត្យ និងបានឃាត់រថយន្តធុនធំ ៤គ្រឿង ដែលដឹកដើមអាកាស្យាលើសទម្ងន់លើសកម្រិតកំណត់ យកមកអនុវត្តតាមនីតិវិធីច្បាប់ ។
សូមបញ្ជាក់ថា ៖ បច្ចុប្បន្ន រថយន្តដែលល្មើសច្បាប់ទាំង០៤គ្រឿង ត្រូវបានកម្លាំងសមត្ថកិច្ចធ្វើការឃាត់ទុក និងនាំយកទៅរក្សាទុក ដើម្បីកសាងសំណុំរឿង និងអនុវត្តនីតិវិធីផាកពិន័យ ឬទោសទណ្ឌផ្សេងៗទៅតាមច្បាប់ជាធរមាន ។
រដ្ឋបាលខេត្តកំពង់ឆ្នាំង ក៏បានឆ្លៀតឱកាសនេះ អំពាវនាវដល់ម្ចាស់ក្រុមហ៊ុនដឹកជញ្ជូន និងអ្នកបើកបររថយន្តធុនធំទាំងអស់ សូមចូលរួមគោរពច្បាប់ចរាចរណ៍ ជាពិសេសការកំណត់ទម្ងន់ដឹកជញ្ជូន ដើម្បីរួមគ្នាថែរក្សាផ្លូវថ្នល់ដែលជាសម្បត្តិរួមរបស់យើងទាំងអស់គ្នាឱ្យប្រើប្រាស់បានយូរអង្វែង ៕
ចែករំលែកព័តមាននេះ