រាជធានីភ្នំពេញ ៖ រាជរដ្ឋាភិបាលបានចាត់ទុកវិស័យកសិកម្មជាមុខព្រួញអាទិភាពដ៏សំខាន់មួយ ក្នុងការអភិវឌ្ឍសេដ្ឋកិច្ចជាតិ ។ ដើម្បីឆ្លុះបញ្ចាំងពីការពិត និងកិច្ចខិតខំប្រឹងប្រែងរបស់រាជរដ្ឋាភិបាលក្នុងការជួយជ្រោមជ្រែង វិស័យកសិកម្ម រាជរដ្ឋាភិបាល តាមរយៈក្រសួងសេដ្ឋកិច្ច…
រាជធានីភ្នំពេញ ៖ រាជរដ្ឋាភិបាលបានចាត់ទុកវិស័យកសិកម្មជាមុខព្រួញអាទិភាពដ៏សំខាន់មួយ ក្នុងការអភិវឌ្ឍសេដ្ឋកិច្ចជាតិ ។ ដើម្បីឆ្លុះបញ្ចាំងពីការពិត និងកិច្ចខិតខំប្រឹងប្រែងរបស់រាជរដ្ឋាភិបាលក្នុងការជួយជ្រោមជ្រែង វិស័យកសិកម្ម រាជរដ្ឋាភិបាល តាមរយៈក្រសួងសេដ្ឋកិច្ច និងហិរញ្ញវត្ថុបានលើកទឹកចិត្តផ្នែកពន្ធដារជាបន្តបន្ទាប់ ដោយកាលពីថ្ងៃទី២៩ មីនា ឆ្នាំ២០២៤ បានចេញសេចក្តីប្រកាសស្តីពីការលើកទឹកចិត្តពន្ធដារចំពោះវិស័យកសិកម្មដើម្បីអនុគ្រោះសម្រាប់ព្យួរទុកការបង់ពន្ធអប្បបរមា ។ នេះបើយោងតាមផេកក្រសួងព័ត៌មានបានប្រកាសនាព្រឹកថ្ងៃទី២៦ ខែវិច្ឆិកា ឆ្នាំ២០២៥ ។
ក្រសួងព័ត៌មានបានប្រកាស បានបញ្ជាក់ថា ព្យួរទុកការបង់ប្រាក់រំដោះពន្ធលើប្រាក់ចំណូល រួចផុតពីកាតព្វកិច្ចកាត់ទុកប្រាក់ពន្ធលើការទូទាត់ ចំពោះការផ្គត់ផ្គង់សេវាដោយបុគ្គលមិនស្ថិតក្នុងរបបស្វ័យប្រកាសសម្រាប់ឆ្នាំ២០២៥ ។
ហើយកាលពីថ្ងៃទី១៩ វិច្ចិកា ឆ្នាំ២០២៥ បានចេញសេចក្តីប្រកាសស្តីពីការលើកទឹកចិត្តពន្ធដារចំពោះវិស័យកសិកម្មជាថ្មីទៀតសម្រាប់រយៈពេល២ឆ្នាំ រហូតដល់ចុងឆ្នាំ២០២៧ ដោយទទួលបានអត្ថប្រយោជន៍បន្ថែម ខណៈអាករលើតម្លៃបន្ថែមត្រូវចាត់ទុកជាបន្ទុករបស់រដ្ឋ ។
ការលើកទឹកចិត្តពន្ធដារនេះ មានវិសាលភាពអនុវត្តចំពោះការដាំដុះ ការផលិត ការផ្គត់ផ្គង់ក្នុងស្រុក ឬការនាំចេញ ស្រូវ អង្ករ ពោត សណ្តែក ម្រេច ដំឡូងមី គ្រាប់ស្វាយចន្ទី ជ័រកៅស៊ូ មៀនប៉ៃលិន ស្វាយ ចេក ការចិញ្ចឹមសត្វ វារីវប្បកម្ម និងផលិតផលដូងប្រេងក្នុងស្រុកដែលជាវត្ថុធាតុដើមសម្រាប់ផលិតចំណីសត្វ ៕
ចែករំលែកព័តមាននេះ