ខេត្តពោធិ៍សាត់ ៖ អាជ្ញាធរខេត្ត នៅតែបន្តតាមដាន និងនៅក្បែរប្រជាពលរដ្ឋជានិច្ចក្នុងគ្រាដ៏លំបាកនេះ ។ លោក ខូយ រីដា អភិបាលនៃគណៈអភិបាលខេត្តពោធិ៍សាត់…
ខេត្តពោធិ៍សាត់ ៖ អាជ្ញាធរខេត្ត នៅតែបន្តតាមដាន និងនៅក្បែរប្រជាពលរដ្ឋជានិច្ចក្នុងគ្រាដ៏លំបាកនេះ ។ លោក ខូយ រីដា អភិបាលនៃគណៈអភិបាលខេត្តពោធិ៍សាត់ បន្ទាប់ពីដឹកនាំកម្លាំងចម្រុះចុះធ្វើអន្តរាគមន៍ដោយផ្ទាល់ ដើម្បីទប់ទល់នឹងស្ថានភាពទឹកស្ទឹង ដែលកំពុងជន់លិច ដោយសារជំនន់ទឹកភ្លៀងដ៏គំហុក កាលពីម៉ោង២ទៀបភ្លឺថ្ងៃទី១៩ ខែវិច្ឆិកា រហូតដល់ព្រឹកថ្ងៃទី២១ ខែវិច្ឆិកា ឆ្នាំ២០២៥នេះ ។
នេះបើយោងតាមរដ្ឋបាលខេត្តពោធិ៍សាត់បានប្រកាសនារសៀលនេះថា ៖ អភិបាលនៃគណៈអភិបាលខេត្តពោធិ៍សាត់ បន្តដឹកនាំក្រុមការងារ និងមន្ត្រីជំនាញ ជិះទូក ចុះពិនិត្យ ជួបសំណេះសំណាលជាមួយបងប្អូនប្រជាពលរដ្ឋ និងវាយតម្លៃផ្ទាល់ អំពីផលប៉ះពាល់នៃជំនន់លិចក្រុង ដើម្បីជម្លៀសប្រជាពលរដ្ឋដែលផ្ទះលិចលង់ខ្លាំងទៅកាន់ទីទួលសុវត្ថិភាព ។
ឯកឧត្ដម បានក្រើនរំលឹកដល់ប្រជាពលរដ្ឋឱ្យបង្កើនការប្រុងប្រយ័ត្នខ្ពស់ ជាពិសេសចំពោះសត្វពស់ និងគ្រោះថ្នាក់ផ្សេងៗ។
ក្នុងការចុះពិនិត្យ លោកបាននាំយកស្បៀងអាហារ ដូចជា អង្ករ ត្រីខ ទឹកត្រី មី និងសម្ភារៈមួយចំនួន ចែកជូនដល់ពលរដ្ឋដែលរងគ្រោះដោយសារទឹកជំនន់ផងដែរ ៕
ចែករំលែកព័តមាននេះ