ខេត្តឧត្តមានជ័យ ៖ រដ្ឋបាលក្រុងសំរោង ខេត្តឧត្តរមានជ័យ បានចេញសេចក្តីប្រកាសយ៉ាងមុតមាំមួយនៅលើបណ្តាញសង្គមហ្វេសប៊ុក ដោយធ្វើការហាមឃាត់ជាដាច់ខាតចំពោះរាល់សកម្មភាពទន្ទ្រាន និងសាងសង់សំណង់ថ្មីៗនៅលើដីចំណីផ្លូវ ឬចិញ្ចើមផ្លូវ ។ រដ្ឋបាលក្រុងសំរោង…
ខេត្តឧត្តមានជ័យ ៖ រដ្ឋបាលក្រុងសំរោង ខេត្តឧត្តរមានជ័យ បានចេញសេចក្តីប្រកាសយ៉ាងមុតមាំមួយនៅលើបណ្តាញសង្គមហ្វេសប៊ុក ដោយធ្វើការហាមឃាត់ជាដាច់ខាតចំពោះរាល់សកម្មភាពទន្ទ្រាន និងសាងសង់សំណង់ថ្មីៗនៅលើដីចំណីផ្លូវ ឬចិញ្ចើមផ្លូវ ។
រដ្ឋបាលក្រុងសំរោង បានប្រកាសនៅលើបណ្តាញសង្គមហ្វេសប៊ុកនាព្រឹកថ្ងៃទី១៩ ខែវិច្ឆិកា ឆ្នាំ២០២៥នេះថា ៖ ហាមហើយ ហាមទៀត! ហាម ហាមជាដាច់ខាត កុំឱ្យពេលដែលអនុវត្តវិធានការទៅនាំតែស្តាយក្រោយ ។
រដ្ឋបាលក្រុងសំរោង សូមធ្វើការអំពាវនាវ និងហាមឃាត់ ឱ្យបញ្ឈប់ជាបន្ទាន់នូវរាល់សំណង់ថ្មីៗទាំងឡាយណាដែលមានសកម្មភាពទន្ទ្រាន ត្រួតត្រា ប្រើប្រាស់ដីចំណីផ្លូវ និងចិញ្ចើមផ្លូវ ហើយសូមចូលរួមសហការក្នុងការរុះរើដោយស្ម័គ្រចិត្ត ចំពោះសំណង់ខុសច្បាប់លើដីចំណីផ្លូវ ចិញ្ចើមផ្លូវ ដែលមានកន្លងមក ដើម្បីធ្វើជាគម្រូល្អ ជាពលរដ្ឋមានសេចក្តីថ្លៃថ្នូរ និងចៀសផុតពីការអនុវត្តទោសទណ្ឌតាមផ្លូវច្បាប់ផងដែរ ៕
ចែករំលែកព័តមាននេះ