ខេត្តបន្ទាយមានជ័យ ៖ យុវជនជាសិស្សវិទ្យាល័យ២នាក់ជិះម៉ូតូមួយគ្រឿងឌុបគ្នាចេញពីសាលាទៅផ្ទះ ត្រូវរថយន្តធុនធំមួយគ្រឿងបុកនិងកិន បណ្តាលឱ្យស្លាប់ទាំង២នាក់ភ្លាមៗនៅនឹងកន្លែង ។ ហេតុការណ៍ខាងលើនេះបានកើតឡើងនៅរសៀលថ្ងៃទី១៥ ខែវិច្ឆិកា ឆ្នាំ២០២៥ នៅមុខវត្តស្រៈឈ្នួរស្ថិតភូមិឈ្នួរមានជ័យ…
ខេត្តបន្ទាយមានជ័យ ៖ យុវជនជាសិស្សវិទ្យាល័យ២នាក់ជិះម៉ូតូមួយគ្រឿងឌុបគ្នាចេញពីសាលាទៅផ្ទះ ត្រូវរថយន្តធុនធំមួយគ្រឿងបុកនិងកិន បណ្តាលឱ្យស្លាប់ទាំង២នាក់ភ្លាមៗនៅនឹងកន្លែង ។
ហេតុការណ៍ខាងលើនេះបានកើតឡើងនៅរសៀលថ្ងៃទី១៥ ខែវិច្ឆិកា ឆ្នាំ២០២៥ នៅមុខវត្តស្រៈឈ្នួរស្ថិតភូមិឈ្នួរមានជ័យ ឃុំឈ្នួរមានជ័យ ស្រុកព្រៈនេត្រ ខេត្តបន្ទាយមានជ័យ ។
រថយន្តមួយគ្រឿងខាងលើ ពាក់ស្លាកលេខ ព្រះសីហនុ 3A-4729 បើកបរដោយបុរសម្នាក់មិនស្គាល់អត្តសញ្ញាណ បានរត់គេចខ្លួនបាត់ ។ ចំណែកយុវជនជាសិស្សវិទ្យាល័យដែលបានបាត់បង់ជីវិតទាំង២នាក់ខាងលើ មិនស្គាល់អត្តសញ្ញាណនោះទេ ។ ជនរងគ្រោះទាំង២នាក់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខ បន្ទាយមានជ័យ 1T-3285 ។
មន្ត្រីនគរបាលចរាចរណ៍ផ្លូវគោកស្រុកព្រៈនេត្រព្រៈបានឱ្យដឹងថា មុនពេលកើតហេតុ យុវជនជាសិស្សវិទ្យាល័យ២នាក់ បានជិះម៉ូតូមួយគ្រឿងម៉ាកហុងដាឌ្រីម ឌុបគ្នាចេញពីសាលាទៅផ្ទះ ក្នុងទិសដៅពីលិចមកកើតស្របទិសគ្នាជាមួយរថយន្តធុនធំប្រភេទ B1 សណ្តោងរ៉ឺម៉ក ហើយបានបត់ឆ្វេងមិនប្រយ័ត្ន ត្រូវរថយន្តបុក និងកិនបណ្តាលស្លាប់ទាំង២នាក់នៅនឹងកន្លែង។
មន្ត្រីនគរបាលចរសចរណ៍បានបញ្ជាក់ថា បន្ទាប់ពីកើតហេតុ រថយន្តធុនធំព្យាយាមបើកគេច ប៉ុន្តែត្រូវកម្លាំងនគរបាលជំនាញសហការប៉ុស្តិ៍នគរបាលរដ្ឋបាលឈ្នួរមានជ័យឃាត់បានតែរថយន្ត ចំណែកអ្នកបើកបរបានរត់គេចខ្លួនបាត់ ។ ក្រោយពិនិត្យវាសវែងរួច សាកសពយុវជនទាំង២នាក់ត្រូវបានប្រគល់ជូនសាច់ញាតិដើម្បីទទួលយកធ្វើបុណ្យតាមប្រពៃណីនៅភូមិគោកលន់ ឃុំឈ្នួរមានជ័យ ស្រុកព្រៈនេត្រព្រះ។
មន្ត្រីជំនាញបានបញ្ជាក់ថា ក្រោយពិនិត្យវាស់វែងរួច រថយន្តដែលបង្ក និងម៉ូតូ១គ្រឿងដែលរងការខូចខាត ត្រូវបានយកទៅរក្សាទុកនៅអធិការដ្ឋាននគរបាលស្រុកព្រៈនេត្រព្រៈ ដើម្បីអនុវត្តន៍តាមច្បាប់ចរាចរណ៍ផ្លូវគោក ៕
ចែករំលែកព័តមាននេះ