រាជធានីភ្នំពេញ ៖ ផ្ទះល្វែងលក់អីវ៉ាន់ចាប់ហួយ មួយកន្លែង នៅបឹងតាម៉ាត ក្នុងភូមិម័រ សង្កាត់បង្កោមខណ្ឌដង្កោ រាជធានីភ្នំពេញត្រូវបានអគ្គិភ័យឆាបឆេះបណ្ដាលឱ្យរងការខូចខាតសម្ភារៈមួយចំនួន ។ អគ្គិភ័យនេះបានកើតឡើងនៅវេលាម៉ោង០៤រសៀលថ្ងៃទី១២…
រាជធានីភ្នំពេញ ៖ ផ្ទះល្វែងលក់អីវ៉ាន់ចាប់ហួយ មួយកន្លែង នៅបឹងតាម៉ាត ក្នុងភូមិម័រ សង្កាត់បង្កោមខណ្ឌដង្កោ រាជធានីភ្នំពេញត្រូវបានអគ្គិភ័យឆាបឆេះបណ្ដាលឱ្យរងការខូចខាតសម្ភារៈមួយចំនួន ។
អគ្គិភ័យនេះបានកើតឡើងនៅវេលាម៉ោង០៤រសៀលថ្ងៃទី១២ ខែវិច្ឆិកា ឆ្នាំ២០២៥ ហើយរថយន្តជាច្រើនគ្រឿង បានទៅអន្តរាគមន៍បាញ់ពន្លត់ ។
តាមសាក្សី បានឲ្យដឹងថា នៅមុនពេលកើតហេតុ គេឃើញភ្លើងបានឆាប់ឆេះចេញពីចំហៀងផ្នែកខាងក្រោយផ្ទះលក់អីវ៉ាន់ចាប់ហួយខាងលើ ហើយផ្សែងហុយទ្រលោម បង្កឲ្យមានការភ្ញាក់ផ្អើលដល់ប្រជាពលរដ្ឋនៅក្បែរខាង នាំគ្នាជួយបាញ់ពន្លត់ និងទាក់ទងហៅរថយន្តពន្លត់អគ្គិភ័យ ទៅអន្តរាគមន៍ហើយភ្លើងបានរលត់ទៅវិញ ។
តាមម្ចាស់ផ្ទះដែលគេស្គាល់ថា ជាម្ដាយអភិបាលរងខណ្ឌម្នាក់ បានឲ្យដឹងថា នៅមុនពេលកើតហេតុ រូបគាត់នៅផ្ទះតែឯង ហើយភ្លើងបានឆេះនៅសំយ៉ាបផ្ទះ ផ្នែកខាងក្រោយ។ ទាក់ទិននឹងអគ្គីភ័យនេះ ម្ចាស់ផ្ទះរូបនោះ មានការសង្ស័យថា បណ្ដាលមកពីឆ្លងចរន្តអគ្គិសនី ។
តាមនគរបាលការិយាល័យបង្ការ ពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានឲ្យដឹងថា នៅក្នុងហេតុការណ៍នេះ រថយន្តពន្លត់អគ្គិភ័យ បានទៅអន្តរាគមន៍បាញ់ទឹកពន្លត់ទានពេល ហើយភ្លើងបានរលត់ទៅវិញ ពុំបណ្ដាលអោយឆេះរាលដាល់ដល់ផ្ទះអ្នកជិតខាងឡើយ។ អគ្គិភ័យនេះ បណ្ដាលឱ្យសម្ភារៈមួយចំនួនបានរងការខូចខាត ៕
ចែករំលែកព័តមាននេះ