ខេត្តកណ្តាល ៖ បុរស២នាក់ បានស្លាប់ក្នុងហេតុការណ៍គ្រោះថ្នាក់ចរាចរណ៍រវាងរថយន្ដកុងទីន័រសណ្ដោងរ៉ឺម៉ក បុកជាមួយម៉ូតូ ពេញទំហឹង នៅលើផ្លូវជាតិលេខ១ ចន្លោះគីឡូម៉ែត្រ ៤៤-៤៥ ចំណុចភូមិព្រែកត្រែង…
ខេត្តកណ្តាល ៖ បុរស២នាក់ បានស្លាប់ក្នុងហេតុការណ៍គ្រោះថ្នាក់ចរាចរណ៍រវាងរថយន្ដកុងទីន័រសណ្ដោងរ៉ឺម៉ក បុកជាមួយម៉ូតូ ពេញទំហឹង នៅលើផ្លូវជាតិលេខ១ ចន្លោះគីឡូម៉ែត្រ ៤៤-៤៥ ចំណុចភូមិព្រែកត្រែង ឃុំសំរោងធំ ស្រុកកៀនស្វាយ ខេត្តកណ្តាល កាលពីវេលាម៉ោង៤និង៣០នាទីព្រឹកថ្ងៃទី១១ ខែវិច្ឆិកា ឆ្នាំ២០២៥ ។
នគរបាលជំនាញចរាចរណ៍ស្រុកកៀនស្វាយ បានឲ្យដឹងថា ករណីគ្រោះថ្នាក់ចរាចរណ៍នេះ បានកើតឡើងរវាង រថយន្ដមួយគ្រឿងម៉ាក SCANIA ពណ៌លឿង ផលិតឆ្នាំ២០០៧ ប្រភេទក្បាលសណ្តោងពាក់ផ្លាកលេខ ស្វាយរៀង 3A-3762 សណ្តោងសឺមីរ៉ឺម៉ក ពណ៌លឿង ពាក់ផ្លាកលេខស្វាយរៀង 4A-3762 បើកបរដោយជនមិនស្គាល់អត្តសញ្ញាណ(រត់គេចខ្លួនបាត់) ដែលបើកបរមាន ទិសដៅ ពីអ្នកលឿងទៅ ភ្នំពេញ (ពីកើតទៅលិច) តាមផ្លូវជាតិលេខ១។ ពេលបើកមកដល់ចំណុចកើតហេតុខាងលើ បានបុកជាមួយម៉ូតូ០១ គ្រឿងម៉ាក HONDA DREAM C125 ពណ៌ខ្មៅពាក់ផ្លាកលេខភ្នំពេញ 1BQ-2735 បើកបរដោយឈ្មោះ ស្រ៊ា ស្រ៊ាន ភេទប្រុស អាយុ២៩ឆ្នាំ មានទីលំនៅភូមិស្វាយទាប ឃុំអំពិលក្រៅ ស្រុកស៊ីធរកណ្ដាល ខេត្ដព្រៃវែង និងអ្នករួមដំណើរ០១ នាក់ទៀត មិនស្គាល់អត្ដសញ្ញាណ ដែលបើកបរមានទិសដៅផ្ទុយគ្នា (ភ្នំពេញទៅអ្នកលឿងវិញ) បណ្តាលឲ្យអ្នកជិះម៉ូតូទាំង២នាក់ស្លាប់នៅកន្លែងកើតហេតុ។ ចំណែកម៉ូតូវិញ បានខ្ទេចមើលលែងយល់ ។
ក្រោយកើតហេតុសមត្ថកិច្ចចរាចរណ៍ស្រុកកៀនស្វាយ បានធ្វើការវាស់វែង យករថយន្ត និងម៉ូតូទៅរក្សាទុកនៅអធិការដ្ឋាននគរបាលស្រុកកៀនស្វាយ ដើម្បីចាត់ការបន្តតាមនីតិវិធីច្បាប់ ។ ខណៈសមត្ថកិច្ចបញ្ជាក់ថា ករណីនេះ បណ្តាលមកពី អ្នកបើកបរម៉ូតូ បើកបរធ្វេសប្រហែស មិនប្រុងប្រយ័ត្ន បើករំលោភចូលចំណែកផ្លូវ នៃរថយន្ត ៕
ចែករំលែកព័តមាននេះ