ខេត្តសៀមរាប ៖ អាជ្ញាធរជាតិអប្សរា តាមរយៈក្រុមការងារជំនាញបាន និងកំពុងទល់ទ្រ និងអភិរក្សជួសជុលប្រាសាទបក្សីចាំក្រុង ខណៈដែលប្រាសាទឥដ្ឋ ដែលមានអាយុកាលជាង១០០០ឆ្នាំមួយនេះ មានភាពទ្រុឌទ្រោមខ្លាំង ។…
ខេត្តសៀមរាប ៖ អាជ្ញាធរជាតិអប្សរា តាមរយៈក្រុមការងារជំនាញបាន និងកំពុងទល់ទ្រ និងអភិរក្សជួសជុលប្រាសាទបក្សីចាំក្រុង ខណៈដែលប្រាសាទឥដ្ឋ ដែលមានអាយុកាលជាង១០០០ឆ្នាំមួយនេះ មានភាពទ្រុឌទ្រោមខ្លាំង ។ នេះបើយោងតាមផេកអាជ្ញាធរជាតិអប្សរាបានប្រកាសនារសៀលថ្ងៃទី០៧ ខែវិច្ឆិកានេះ ។
ប្រធានគម្រោងអភិរក្សប្រាសាទបក្សីចាំក្រុង លោក ពុទ្ធ សុទ្ធ បានឱ្យដឹងថា ប្រាសាទនេះមានខឿនថ្មបាយក្រៀម៤ថ្នាក់ និងមានកម្ពស់សរុប២៩,២០ម៉ែត្រ ។ ការទល់ទ្រ និងអភិរក្សសង្គ្រោះបន្ទាន់នេះ ធ្វើឡើងបន្ទាប់ពីផ្នែកដំបូលនៃប្រាសាទនេះ មានភាពទ្រុឌទ្រោមខ្លាំង ។
បន្ទាប់ពីមានការត្រួតពិនិត្យត្រឹមត្រូវ និងហ្មត់ចត់ ថ្នាក់ដឹកនាំអាជ្ញាធរជាតិអប្សរា បានសម្រេចជាគោលការណ៍ឱ្យមានក្រុមការងារទល់ទ្រអភិរក្សជាបន្ទាន់ ។ លោក ពុទ្ធ សុទ្ធ បន្ថែមថា កន្លែងហានិភ័យខ្លាំងនៅក្នុងប្រាសាទនេះ គឺនៅផ្នែកដំបូល និងផ្នែកខ្លះនៃជញ្ជាំង។
ដោយសារជាប្រាសាទខ្ពស់ ដូច្នេះគេត្រូវប្រើកម្លាំងពលករច្រើន ដើម្បីជញ្ជូនសម្ភារៈផ្សេងៗឡើងលើប្រាសាទ ហើយត្រូវសង់រន្ទា ដើម្បីរៀបចំទល់ទ្រ ទប់លំនឹងកំពូលប្រាសាទនេះ ។
មន្ត្រីដដែលបានបញ្ជាក់ថា វាជាការសម្រេចចិត្តដ៏ល្អបំផុត និងទាន់ពេលវេលា ដើម្បីបង្ការហានិភ័យខ្ពស់ជាងនេះ ដែលតម្រូវឱ្យមានផែនការជួសជុល សម្រាប់ថ្ងៃអនាគតផងដែរ ៕
ចែករំលែកព័តមាននេះ