ផ្លូវល្បឿនលឿន ទទួលចរាចរណ៍ជិត៨ម៉ឺនដង ក្នុងឱកាសបុណ្យអុំទូក ៣ថ្ងៃ
- ភ្នំពេញ
រាជធានីភ្នំពេញ ៖ ចរាចរណ៍សរុបមានចំនួន ៧៩,៣៨៨ដង ដែលបានចរាចរណ៍លើផ្លូវល្បឿនលឿនអំឡុងបុណ្យអុំទូក និងសំពះព្រះខែ អកអំបុក ចាប់ពីថ្ងៃទី៤ ខែវិច្ឆិកា ឆ្នាំ២០២៥…
រាជធានីភ្នំពេញ ៖ ចរាចរណ៍សរុបមានចំនួន ៧៩,៣៨៨ដង ដែលបានចរាចរណ៍លើផ្លូវល្បឿនលឿនអំឡុងបុណ្យអុំទូក និងសំពះព្រះខែ អកអំបុក ចាប់ពីថ្ងៃទី៤ ខែវិច្ឆិកា ឆ្នាំ២០២៥ ដល់ថ្ងៃទី៦ ខែវិច្ឆិកា ឆ្នាំ២០២៥ ។ នេះបើយោងតាមផេកផ្លូវល្បឿនលឿនភ្នំពេញ – ក្រុងព្រះសីហនុ បានប្រកាសនាព្រឹកថ្ងៃទី០៧ ខែវិច្ឆិកានេះ ។
គិតចាប់ពីថ្ងៃទី៤ ខែវិច្ឆិកា ឆ្នាំ២០២៥ រហូតដល់ថ្ងៃទី៦ ខែវិច្ឆិកា ឆ្នាំ២០២៥ ចរាចរណ៍លើផ្លូវល្បឿនលឿន សរុបមានចំនួន ៧៩,៣៨៨ ដង ដែលក្នុងនោះ មានការស្វែងរកជំនួយតាមទូរស័ព្ទសង្គ្រោះ១៣៩៩ ចំនួន១៥៩ ខ្សែ (បញ្ហាគ្រោះថ្នាក់ចរាចរណ៍ចំនួន ០ករណី ស្វែងរកជំនួយចំនួន៦៩ករណី និងប្រឹក្សាយោបល់សួរព័ត៌មានចំនួន៩០ករណី)។
ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ សូមអំពាវនាវដល់បងប្អូនប្រជាពលរដ្ឋគ្រប់រូប មេត្តាអនុវត្តតាមលក្ខខណ្ឌក្នុងការប្រើប្រាស់ផ្លូវល្បឿនលឿន ព្រមទាំងចូលរួមគោរពច្បាប់ស្តីពីចរាចរណ៍ផ្លូវគោក ឱ្យបានខ្ជាប់ខ្ជួន កុំបើកបរលើសល្បឿនកំណត់ និងកុំបើកបរបញ្ច្រាសទិសចរាចរណ៍ ។ សូមបើកបរដោយសុវត្ថិភាព! ៕
ចែករំលែកព័តមាននេះ