ខេត្តសៀមរាប ៖ ប្រវត្តិបុណ្យអុំទូក បណ្តែតប្រទីប អកអំបុក សំពះព្រះខែ គឺជាពិធីបុណ្យប្រពៃណីរបស់ប្រជារាស្ត្រខ្មែរ ដែលធ្លាប់ប្រារព្ធធ្វើជារៀងរាល់ឆ្នាំតាំងពីបុរាណកាល ។ ប្រភពពិធីបុណ្យប្រណាំងទូក ប្រវត្តិនៃបុណ្យអុំទូកមានតាំងពីយូរលង់ណាស់មកហើយ…
ខេត្តសៀមរាប ៖ ប្រវត្តិបុណ្យអុំទូក បណ្តែតប្រទីប អកអំបុក សំពះព្រះខែ គឺជាពិធីបុណ្យប្រពៃណីរបស់ប្រជារាស្ត្រខ្មែរ ដែលធ្លាប់ប្រារព្ធធ្វើជារៀងរាល់ឆ្នាំតាំងពីបុរាណកាល ។ ប្រភពពិធីបុណ្យប្រណាំងទូក ប្រវត្តិនៃបុណ្យអុំទូកមានតាំងពីយូរលង់ណាស់មកហើយ គឺមានចែងក្នុងឯកសាររបស់ប្រវត្តិវិទូបរទេសក៏ដូចជា តាមសិលាចារឹកនៃប្រាសាទអង្គរ ។
សូមបញ្ជាក់ថា អុំទូកនេះ មានការបកស្រាយប្លែកៗគ្នាជាច្រើន ហើយពិធីធ្វើក៏មានប្លែកៗ គ្នាដែរ។ តាមសៀវភៅ «ជ័យវរ្ម័នទី៧» មានក្នុងវិជ្ជា ស្ថានពុទ្ធសាសនបណ្ឌិតពីដើមចែងថា ៖ នៅសម័យអង្គរនាសតវត្សទី១២ កម្ពុជាមានសេចក្តីសុខក្សេមក្សាន្តរុងរឿងណាស់ ដោយព្រះបាទជ័យវរ្ម័នទី៧ ស្តេចចេញធ្វើសឹកសង្គ្រាមជើងទឹកបង្ក្រាបពួកចាមដោយកងទ័ពទូកជាចំបាំងដោះក្រុងកម្ពុជាឱ្យរួចផុតពីខ្មាំងសត្រូវ (គ.ស ១១៧៧- ១១៨១ ) រឿងចំបាំងគ្រានោះមានឆ្លាក់នៅជញ្ជាំងប្រាសាទបាយ័ន្ត និងបន្ទាយឆ្មារ ។
ក្នុងចំបាំងនោះ គេឃើញមានកងទ័ពទូកជាច្រើនមហិមាដែលមានព្រះឆាយាលក្ខ័ណ៍នៃព្រះបាទជ័យវរ្ម័នទី៧ប្រថាប់ឈរលើទីតាំងនាវាចំបាំងដោយទ្រង់ធ្នូ និងដំបងយ៉ាងស្វាហាប់ក្នុងចំណោមកងទ័ពទូកទាំងឡាយ ។
ប្រភពពិធីបណ្តែតប្រទីបគម្ពីរទាថាវង្សភាសាបាលីចែងថា ៖ ព្រះចង្កូមកែវទាំង៤នៃព្រះសម្មាសម្ពុទ្ធ ប្រតិស្ឋាន នៅទីទាំង៤គឺ ៖ ១-នៅត្រៃត្រឹង្សសួគ៌ – ២-នៅពិភពនាគ ៣-នៅស្រុកគន្ធា ៤-នៅទន្តបុរះ កលិ.ង្គរដ្ឋ ភាណវារៈបាលីត្រង់ពុទ្ធនមកស្ការគាថា ចែងថា ៖ ស្នាមព្រះបាទព្រះសម្មាសម្ពុទ្ធប្រតិស្ឋាន នៅទីទាំង៥គឺ ៖ ១-នៅសុវណ្ណមាលិកបពត៌ ២-នៅសុវណ្ណបពត៌ ៣-នៅសុមនកូដបពត៌ ៤-នៅយោនកបុរី ៥-នៅស្ទឹងនម្មទា ពាក្យសរសើរ ព្រះបាទ យសបាទេ ទាំងបាលីទាំងសម្រាយចែងថា ៖ ព្រះបាទនៃព្រះសម្មាសម្ពុទ្ធប្រតិស្ឋាននៅទីទាំង៥ដូចក្នុងភាណវារៈដែរ ។
ដោយហេតុមានគម្ពីរដីកាជាប្រភពយ៉ាងនេះបានជាពុទ្ធបរិស័ទ ខេមរជាតិតែងធ្វើពិធីបណ្តែតប្រទីបនៅរាត្រីពេញបូណ៌មីខែកត្តិកក្រោយមកគេប្រារព្ធធ្វើពិធីបណ្តែតប្រទីប នៅរាត្រីថ្ងៃ១៥ កើតខែកត្តិក បូជាចំពោះព្រះចង្កូមកែវនៅពិភពនាគ ព្រះពុទ្ធបាទនៅស្ទឹងនម្មទា និងនៅទីឯទៀតៗដូចពោលខាងលើ ដោយជឿថា ជាកុសលយ៉ាងធំបានផលយ៉ាងប្រសើរ ដើម្បីសុខចម្រើនរុងរឿងដល់ខ្លួនដល់រាស្ត្រ និងដល់ប្រទេសជាតិ ។
ដោយឡែក នៅរាត្រីថ្ងៃ១៥កើត ខែកត្តិក ត្រូវថ្ងៃទី ០៥ ខែ វិច្ឆិកា ឆ្នាំ២០២៥ នៅដងស្ទឹងប្រវត្តិសាស្ត្រសៀមរាប ក៏មានរៀបចំ បណ្តែតប្រទីប ដោយមានភ្ញៀវជាតិ អន្តរជាតិចូលរួម ជាច្រើនផងដែរ ។ ពិធីនេះបានទទួល ការគាំទ្រពីសំណាក់ប្រជាពលរដ្ឋគ្រប់ទិសទី ហើយតែងនាំគ្នាប្រារព្ធជារៀងរាល់ឆ្នាំ ដោយ មានការប្រណាំងអុំទូក ។ ពិធីបុណ្យអុំទូកនេះ ក៏បានភ្ជាប់នឹងពិធីផ្សេងៗ ទៀតផងដែរ គឺការបណ្ដែតប្រទីប សំពះព្រះខែ និង អកអំបុក ដែលជាការឆ្លុះបញ្ចាំងពីជំនឿសាសនាយ៉ាងមុតមាំ ។ ចំពោះការបណ្តែតប្រទីប គឺដើម្បីរម្លឹកដល់គុណនៃព្រះគង្គា និងព្រះធរណីដែលបានផ្ដល់នូវសេចក្ដីសុខសប្បាយ ភោគផលក្នុងការងារកសិកម្ម របរចិញ្ចឹមជីវិតប្រចាំថ្ងៃរបស់ប្រជាកសិករ ។
សូមបញ្ជាក់ផងដែរថា ក្នុងកម្មវិធីបណ្តែតប្រទីប នាយប់ថ្ងៃទី២ ត្រូវនឹងថ្ងៃទី ៥ ខែវិច្ឆិកា ឆ្នាំ២០២៥ ក៏មាន ឃើញ ក្រុមក្មេង ប្រុស ស្រី នាំ គ្នា ចូល ផឹកស្រាថ្នាំ សាកល្បង ១០ កែវ ថែម១ យ៉ាងសប្បាយរីករាយ ក្នុងកម្មវិធីបុណ្យអុំទូកអកអំបុកសំពះព្រះខែ នេះ ។
ស្រាថ្នាំ ដែលត្រាំ លក់ សាកល្បងនេះមានដូចជា: កន្ទួតព្រៃ , ទំពាំងបាយជូព្រៃ , ផ្លែម្នាស់ ,ចេក , ទទឹម និង ផ្លែឈើ លាយ ជាច្រើន មុខទៀត ដោយ លក់ ក្នុងមួយលីត្រតម្លៃ ១២០០០រៀល ។ ហើយក្នុងការត្រាំស្រាលក់សាកល្បងនេះ ប្អូនប្រុស មានទីតាំងស្ថិតនៅក្នុងក្រុងសៀមរាប ទើបចេញមកលក់សាកល្បង ក្នុងថ្ងៃកម្មវិធីបុណ្យអុំទូកអកអំបុកសំពះព្រះខែនេះទេ មិនមែនត្រាំលក់រាប់ខែឆ្នាំនោះឡើយ៕
ចែករំលែកព័តមាននេះ