ដើម្បីបញ្ជៀសផលប៉ះពាល់ដល់អាយុជីវិត នៅព្រឹកថ្ងៃទី២៧ ខែតុលា ក្រសួងសុខាភិបាលបានប្រកាសលើកទឹកចិត្តឲ្យប្រជាពលរដ្ឋនានា ដែលមានអាយុលើសពី៤០ឆ្នាំឡើងទៅ ហើយនិងអ្នកលើសទម្ងន់មកពិនិត្យជំងឺឡើងសម្ពាធឈាមឲ្យបានទៀងទាត់នៅមន្ទីរពេទ្យ និងមណ្ឌលសុខភាពនានា ។ ក្រសួងបានប្រកាសថា ការដឹងពីសម្ពាធឈាមរបស់អ្នកអាចការពារជីវិតអ្នក…
ដើម្បីបញ្ជៀសផលប៉ះពាល់ដល់អាយុជីវិត នៅព្រឹកថ្ងៃទី២៧ ខែតុលា ក្រសួងសុខាភិបាលបានប្រកាសលើកទឹកចិត្តឲ្យប្រជាពលរដ្ឋនានា ដែលមានអាយុលើសពី៤០ឆ្នាំឡើងទៅ ហើយនិងអ្នកលើសទម្ងន់មកពិនិត្យជំងឺឡើងសម្ពាធឈាមឲ្យបានទៀងទាត់នៅមន្ទីរពេទ្យ និងមណ្ឌលសុខភាពនានា ។
ក្រសួងបានប្រកាសថា ការដឹងពីសម្ពាធឈាមរបស់អ្នកអាចការពារជីវិតអ្នក និងបង្ការពិការភាព បណ្តាលពីជំងឺគាំងបេះដូង និងជំងឺដាច់សរសៃឈាមខួរក្បាលដែលបណ្តាលមកពីជំងឺលើសសម្ពាធឈាម ។
ក្រសួងសុខាភិបាលបានឲ្យដឹងថា នៅដំណាក់កាលដំបូង វា គឺជាជំងឺដែលមិនបង្ហាញអាការៈ ឬរោគសញ្ញាអ្វីឡើយ ប៉ុន្តែវាអាចបង្កគ្រោះថ្នាក់ដល់អាយុជីវិតយ៉ាងស្ងៀមស្ងាត់ ។
ប្រភពដដែលបានអះអាងថា ជំងឺនេះវាកើតមានឡើង គឺដោយសារតែទម្លាប់មិនល្អនៅក្នុងការរស់នៅមួយចំនួនដូចជា របបអាហារដែលមិនមានសុខភាព អាហារដែលសំបូរជាតិខ្លាញ់ ប្រៃខ្លាំង និងផ្អែមខ្លាំង កង្វះសកម្មភាព រាងកាយ ការប្រើប្រាស់ថ្នាំជក់ និងគ្រឿងស្រវឹងជាដើម ។
ក្រៅពីការលើកទឹកចិត្តប្រជាពលរដ្ឋឲ្យទៅពិនិត្យសុខភាពនៅមណ្ឌលសុខភាពដែលជិតបំផុតហើយនោះ គឺត្រូវតែផ្លាស់ប្តូររឥរិយាបទក្នុងការរស់នៅមួយចំនួនដូចជា បន្ថយសារធាតុបន្ថែមរស់ជាតិមានស្ករ មានអំបិល ទឹកស៊ីអ៊ីវ ទឹកត្រី ប៊ីចេង និងម្សៅស៊ុប ក៏ដូចជា ទឹកជ្រលក់ផ្សេងៗទៀត ៕
ចែករំលែកព័តមាននេះ