ជំងឺក្រពះ ពោះវៀន និងថ្លើម ដែលជាបញ្ហាប្រឈមសុខភាពមួយរបស់ប្រជាពលរដ្ឋកម្ពុជានោះបានកំពុងតែត្រូវបានក្រុមគ្រូពេទ្យកម្ពុជាប្រជុំពិភាក្សារុករកវិធីព្យាបាល តាមបែបទំនើប ដើម្បីកាត់បន្ថយហានិភ័យនៃជំងឺទាំងនេះហើយ ។ លោក ឡឹម តារា…
ជំងឺក្រពះ ពោះវៀន និងថ្លើម ដែលជាបញ្ហាប្រឈមសុខភាពមួយរបស់ប្រជាពលរដ្ឋកម្ពុជានោះបានកំពុងតែត្រូវបានក្រុមគ្រូពេទ្យកម្ពុជាប្រជុំពិភាក្សារុករកវិធីព្យាបាល តាមបែបទំនើប ដើម្បីកាត់បន្ថយហានិភ័យនៃជំងឺទាំងនេះហើយ ។
លោក ឡឹម តារា រដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាគណៈគ្រូពេទ្យជាតិ បានអះអាងថា ក្រុមគ្រូពេទ្យជំនាញផ្នែកប្រដាប់រំលាយអាហារ ជាពិសេស គឺក្រពះ ពោះវៀន និងថ្លើម បានជួយជុំគ្នាពិភាក្សារកវិធីសាស្ត្រទំនើបៗ ក្នុងការព្យាបាលជំងឺទាំងនេះ ។
លោកក៏បានបន្តទៀតថា ក្រៅពីវិធីសាស្ត្រនៅក្នុងការព្យាបាលហើយនោះ ក្រុមគ្រូពេទ្យកម្ពុជា ក៏បានពិភាក្សាគ្នាលើការពង្រឹងក្រមសីលធម៌ និងវិជ្ជាជីវៈ និងការ ធ្វើរោគវិនិច្ឆ័យ ដើម្បីព្យាបាលអ្នកជំងឺឲ្យមានប្រសិទ្ធភាព ។
ជំងឺក្រពះ ពោះវៀន និង ថ្លើម គឺជាប្រភេទជំងឺរ៉ាំរ៉ៃ ដែលបានកំពុងតែគំរាមកំហែងគួរសមនៅកម្ពុជា ។ ជំងឺទាំងនេះវាច្រើនកើតឡើងដោយសារតែបញ្ហាអាហារ ការទទួលទានគ្រឿងស្រវឹង ជាដើម ៕
ចែករំលែកព័តមាននេះ