ជាតិស្ករក្នុងឈាមទាប គឺជាស្ថានភាពគ្រោះថ្នាក់មួយដែលអាចកើតឡើងយ៉ាងឆាប់រហ័ស ជាពិសេសចំពោះអ្នកជំងឺទឹកនោមផ្អែម។ រាងកាយនឹងបញ្ជូនសញ្ញាព្រមានដើម្បីប្រាប់អ្នកថា កម្រិតជាតិស្ករ (ថាមពល) របស់អ្នកកំពុងធ្លាក់ចុះ។ ប្រសិនបើអ្នកមានអារម្មណ៍ថាមានរោគសញ្ញាណាមួយដូចខាងក្រោម អ្នកត្រូវតែចាត់វិធានការភ្លាមៗ ដោយការបរិភោគជាតិស្ករ៖…
ជាតិស្ករក្នុងឈាមទាប គឺជាស្ថានភាពគ្រោះថ្នាក់មួយដែលអាចកើតឡើងយ៉ាងឆាប់រហ័ស ជាពិសេសចំពោះអ្នកជំងឺទឹកនោមផ្អែម។ រាងកាយនឹងបញ្ជូនសញ្ញាព្រមានដើម្បីប្រាប់អ្នកថា កម្រិតជាតិស្ករ (ថាមពល) របស់អ្នកកំពុងធ្លាក់ចុះ។
ប្រសិនបើអ្នកមានអារម្មណ៍ថាមានរោគសញ្ញាណាមួយដូចខាងក្រោម អ្នកត្រូវតែចាត់វិធានការភ្លាមៗ ដោយការបរិភោគជាតិស្ករ៖
រោគសញ្ញាប្រព័ន្ធប្រសាទដំបូង (រោគសញ្ញារាងកាយ)
ទាំងនេះជាសញ្ញាដែលកើតឡើងយ៉ាងលឿនបំផុតនៅពេលកម្រិតជាតិស្ករធ្លាក់ចុះ៖
បែកញើសច្រើន: សូម្បីតែក្នុងអាកាសធាតុត្រជាក់ក៏ដោយ ក៏អ្នកអាចមានអាការៈបែកញើសជោក។
ញ័រទ្រូង បេះដូងលោតញាប់: មានអារម្មណ៍ថាបេះដូងរបស់អ្នក លោតចេញមកក្រៅ ឬលោតញាប់ខុសពីធម្មតា។
ឃ្លានខ្លាំង: មានអារម្មណ៍ឃ្លានមិនធម្មតា ឬឃ្លានភ្លាមៗ។
ញ័រដៃ ឬញ័រខ្លួន: មិនអាចគ្រប់គ្រងការញ័រនៅត្រង់ដៃ ឬដងខ្លួនបាន។
បបូរមាត់ស្លេក: បបូរមាត់មើលទៅស្លេក ឬស្លាំងខុសធម្មតា។
រោគសញ្ញាកង្វះថាមពលក្នុងខួរក្បាល
នៅពេលកោសិកាខួរក្បាលខ្វះជាតិស្ករ រោគសញ្ញាផ្លូវចិត្ត និងស្មារតីអាចកើតមានឡើង៖
អស់កម្លាំង: មានអារម្មណ៍ថាគ្មានថាមពល សូម្បីតែបន្ទាប់ពីសម្រាក។
វិលមុខ ស្រវាំងភ្នែក: មានអារម្មណ៍ថាអ្នកនឹងដួលសន្លប់ ឬភ្នែកស្រវាំង។
ច្របូកច្របល់, ឆាប់ខឹង: អាចមានអារម្មណ៍ ច្របូកច្របល់, វង្វេង ឬមានការផ្លាស់ប្តូរអាកប្បកិរិយាខុសពីធម្មតា (ឆាប់ខឹង)។
ឈឺក្បាល: អ្នកអាចមានអារម្មណ៍ឈឺក្បាល។
គ្រោះថ្នាក់ធ្ងន់ធ្ងរ (គ្រាអាសន្ន)
ក្នុងករណីដែលកម្រិតជាតិស្ករក្នុងឈាមធ្លាក់ចុះខ្លាំង និងធ្ងន់ធ្ងរ អ្នកអាចប្រឈមនឹង៖
បាត់បង់ស្មារតី ឬ ប្រកាច់។
ដំបូន្មានបន្ទាន់: ប្រសិនបើអ្នកជួបប្រទះសញ្ញាទាំងនេះ សូមបរិភោគ ស្ករគ្រាប់ ទឹកផ្លែឈើ ឬភេសជ្ជៈផ្អែម ជាបន្ទាន់ ដើម្បីបង្កើនកម្រិតជាតិស្ករក្នុងឈាមឲ្យបានលឿន៕
(ប្រភព៖ បរទេស)
ចែករំលែកព័តមាននេះ