គ្រូពេទ្យវ័យក្មេងកម្ពុជាចំនួន៨០នាក់ បានកំពុងតែត្រៀមខ្លួនធ្វើដំណើរទៅប្រទេសបារាំង នៅចុងឆ្នាំនេះ ដើម្បីចូលរួមកម្មវិធីបណ្តុះបណ្តាល និងប្តូរបទពិសោធន៍ជាមួយមន្ទីរពេទ្យ និងសាកលវិទ្យាល័យវេជ្ជសាស្ត្រនៅប្រទេសបារាំង ។ ស្ថានទូតបារាំងនៅកម្ពុជាបានអះអាង កាលពីថ្ងៃទី២២ ខែតុលាថា…
គ្រូពេទ្យវ័យក្មេងកម្ពុជាចំនួន៨០នាក់ បានកំពុងតែត្រៀមខ្លួនធ្វើដំណើរទៅប្រទេសបារាំង នៅចុងឆ្នាំនេះ ដើម្បីចូលរួមកម្មវិធីបណ្តុះបណ្តាល និងប្តូរបទពិសោធន៍ជាមួយមន្ទីរពេទ្យ និងសាកលវិទ្យាល័យវេជ្ជសាស្ត្រនៅប្រទេសបារាំង ។
ស្ថានទូតបារាំងនៅកម្ពុជាបានអះអាង កាលពីថ្ងៃទី២២ ខែតុលាថា កម្មវិធីនេះជាផ្នែកមួយនៃកិច្ចសហប្រតិបត្តិការវេជ្ជសាស្ត្ររវាងកម្ពុជា និងបារាំង ដែលមានគោលបំណងពង្រឹងសមត្ថភាពបុគ្គលិកសុខាភិបាលកម្ពុជា និងបង្កើនគុណភាពសេវាសុខាភិបាលជាតិ ។
ស្ថានទូតបារាំងបានឲ្យដឹងថា គ្រូពេទ្យវ័យក្មេងទាំងអស់នឹងទទួលការបណ្តុះបណ្តាល ដើម្បីទទួលជំនាញ សញ្ញាប័ត្របណ្តុះបណ្តាលវេជ្ជសាស្ត្រជំនាញ (DFMS) និងសញ្ញាប័ត្របណ្តុះបណ្តាលវេជ្ជសាស្ត្រជំនាញជាន់ខ្ពស់ (DFMSA)នៅក្នុង រយៈពេលពី៦ខែទៅ១ឆ្នាំនៅប្រទេសបារាំង ។
ការវិនិយោគលើការអប់រំ និងបណ្តុះបណ្តាលក្រុមគ្រូពេទ្យវ័យក្មេង ត្រូវបានចាត់ទុកថា ជាជំហានសំខាន់ក្នុងការឆ្លើយតបទៅនឹងការខ្វះខាតគ្រូពេទ្យមានជំនាញខ្ពស់នៅតាមតំបន់ជនបទ និងមន្ទីរពេទ្យសាធារណៈនៅកម្ពុជា ។
អ្នកជំនាញបានអះអាងថា នេះជាសញ្ញាបង្ហាញថា កម្ពុជាកំពុងវិនិយោគយ៉ាងសកម្មលើធនធានមនុស្ស ដើម្បីបង្កើតប្រព័ន្ធសុខាភិបាលរឹងមាំ និងមានគុណភាព ៕
ចែករំលែកព័តមាននេះ