ខេត្តកំពង់ឆ្នាំង ៖ លោកឧត្តមសេនីយ៍ទោ តេង ច័ន្ទណាត អញ្ជើញត្រួតពិនិត្យកម្លាំងអន្តរាគមន៍ ដើម្បីត្រៀមបម្រុង ការពារសន្តិសុខ និងសុវត្ថិភាព ជូនប្រជាពលរដ្ឋក្នុងខេត្តកំពង់ឆ្នាំង…
ខេត្តកំពង់ឆ្នាំង ៖ លោកឧត្តមសេនីយ៍ទោ តេង ច័ន្ទណាត អញ្ជើញត្រួតពិនិត្យកម្លាំងអន្តរាគមន៍ ដើម្បីត្រៀមបម្រុង ការពារសន្តិសុខ និងសុវត្ថិភាព ជូនប្រជាពលរដ្ឋក្នុងខេត្តកំពង់ឆ្នាំង ។ នេះបើយោងតាមផេកក្រសួងមហាផ្ទៃបានប្រកាសនាថ្ងៃទី២១ ខែតុលានេះ ។
ជាក់ស្តែង នៅថ្ងៃទី២១ ខែតុលា ឆ្នាំ២០២៥ ដោយមានការណែនាំពីឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ តេង ច័ន្ទណាត ស្នងការ នៃស្នងការដ្ឋាននគរបាលខេត្តកំពង់ឆ្នាំង បានអញ្ជើញត្រួតពិនិត្យកម្លាំងអន្តរាគមន៍ ដើម្បីត្រៀមបម្រុង ការពារសន្តិសុខ សុវត្ថិភាព សណ្តាប់ធ្នាប់សាធារណៈ និងជួយអន្តរាគមន៍សង្គ្រោះ គ្រោះថ្នាក់ធម្មជាតិណាមួយ ដែលអាចកើតមានឡើងជាយថាហេតុ ជូនដល់ប្រជាពលរដ្ឋក្នុងខេត្ត ។
សូមរំលឹកថា ការចុះត្រួតពិនិត្យកម្លាំងដោយផ្ទាល់របស់លោកឧត្តមសេនីយ៍ទោ តេង ច័ន្ទណាត មិនត្រឹមតែជាការបំពេញភារកិច្ចប៉ុណ្ណោះទេ ប៉ុន្តែក៏ជាការបង្ហាញពីការយកចិត្តទុកដាក់ខ្ពស់ របស់ថ្នាក់ដឹកនាំ ស្នងការដ្ឋានក្នុងការលើកទឹកចិត្ត និងជំរុញស្មារតីយុទ្ធជនឱ្យកាន់តែមានការទទួលខុសត្រូវខ្ពស់ ចំពោះសុខសុវត្ថិភាពរបស់ប្រជាពលរដ្ឋ ។
តាមរយៈការត្រៀមលក្ខណៈនេះ ខេត្តកំពង់ឆ្នាំងមានមូលដ្ឋានរឹងមាំក្នុងការ ការពារអាយុជីវិត និងទ្រព្យសម្បត្តិ របស់ប្រជាជនខ្លួន ៕
ចែករំលែកព័តមាននេះ