ខេត្តកំពត ៖ ក្រុងកំពតជាក្រុងមួយដែលអាជ្ញាធរក្រុងក្រោមការដឹកនាំដ៏ប៉ិនប្រសប់របស់ឯកឧត្តមបណ្ឌិត ម៉ៅ ធនិន អភិបាលនៃគណ:អភិបាលខេត្តលោកបានរៀបចំកែប្រែសោភណ័ភាព សុវត្ថិភាពនិងអនាមយ័បរិស្ថាននៅក្នុងក្រុងបានយ៉ាងស្អាតគួរជាទីចាប់អារម្មណ៍និងទាក់ទាញភ្ញៀវទេសចរជាតិនិងអន្តរជាតិឲ្យចូលមកទស្សនានិងលេងកំសាន្តយ៉ាងច្រើនកុះករមិនថាថ្ងៃចុងសប្តាហ៍ឬថ្ងៃបុណ្យជាតិឡើយភ្ញៀវមកពីតាមបណ្តារាជធានីខេត្តមិនដាច់។
ទន្ទឹមការខិតខំយកចិត្តទុកដាក់ក្នុងការរៀបចំលំអរក្រុងរបស់អាជ្ញាធរគ្រប់លំដាប់ថ្នាក់តាំងពីមូលដ្ឋានរហូតដល់ខេត្តយ៉ាងនេះក្តី ក៏គេឃើញពលរដ្ឋដែលមានលំនៅឋានក្នុងក្រុងក្បែរផ្លូវខាងត្បូងផ្សារសាមគ្គីទីរួមខេត្តប្រមាណជាង១០គ្រួសារនៅក្បែរផ្លូវសាធារណ: ប៉ែកខាងត្បូងផ្សារសាមគ្គីទីរួមខេត្តកំពតបានយកផ្លូវតាមមុខលំនៅឋានរបស់ខ្លួននីមួយៗជួលឲ្យក្រុមអាជីវករលក់គ្រឿងសមុទ្រគ្រប់មុខដល់ពាក់កណ្តាលទ្រូងផ្លូវស្ទើរតែភ្ញៀវធ្វើចរាចរលើផ្លូវនេះមិនកើតទៅហើយ និងយ៉ាងអនាធិបតេយ្យ ហើយបង្កឲ្យមានការស្ទះចរាចរលើផ្លូវមួយខ្សែនេះជារៀងរាល់ថ្ងៃមិនថាថ្ងៃអាទិត្យឬថ្ងៃចន្ទ័នោះឡើយ។
រីឯកំលាំងសមត្ថកិច្ចដែលរៀបចំសណ្តាប់សាធារណ:លើផ្លូវមួយខ្សែនេះហាក់ដូចជាត្រូវដងត្រូវផ្លែជាមួយអ្នកលក់អនាធិបតេយ្យលើផ្លូវ ឬម្ចាស់ផ្ទះដែលជួលឲ្យគេលក់នៅមុខផ្ទះអីចឹងដែរដូចជាមើលមិនឃើញនិងមិនរវល់អើពើដល់បន្តិចសោះ។
ទាក់ទិនរឿងនេះ លោកប៉ែន សត្យា អ្នកគ្រប់គ្រងផ្សារសាមគ្គីរួមខេត្តកំពតបានឲ្យដឹងថា ចំពោះក្រុមអាជីវករដែលក់គ្រឿងសមុទ្រលើផ្លូវសារធារណ:មុខផ្ទះពលរដ្ឋប៉ែកខាងត្បូងផ្សារសាមគ្គីគឺមិនមែនក្រោមការទទួលខុសត្រូវពីអ្នកគ្រប់គ្រងផ្សារនោះទេគឺជាម្ចាស់ផ្ទះនិងសមត្ថកិច្ចអ្នករៀបចំសណ្តាប់ធ្នាប់ទេជាអ្នកទទួលខុសត្រូវលើផ្លូវនេះ តួនាទីរបស់លោកគឺមើលការខុសត្រូវតែសន្តិសុខសណ្តាប់ធ្នាប់និងសុវត្ថិភាពក្នុងផ្សារ រក្សាអនាម័យបរិស្ថានក្នុងផ្សារនិង ការពារជនទុច្ចរឹតបង្កបទល្មើសផ្សេងៗក្នុងផ្សារតែប៉ុណ្ណោះ រីឯបញ្ហាប៉ះពាល់សណ្តាប់លើផ្លូវសារធារណ:ខាងលើទុកឲ្យសមត្ថកិច្ចជាអ្នករៀបចំ។
ទាក់ទិននិងការលក់លើទ្រូងផ្លូវសាធារណៈប៉ះពាល់សណ្តាប់ធ្នាប់ខាងលើ ភ្នាក់ងារក៏សន្តិភាពបានខលទូរសព្ទទៅលោកឆែម ហាក់អធិការរងនគរបាលក្រុងកំពតទទួលផែនសណ្តាប់ធ្នាប់ក្រុងដើម្បីឲ្យលោកជួយស្រាយបំភ្លឺជុំវិញរឿងនេះ តែទូរសព្ទរបស់លោកទាក់ទងមិនបាននៅក្រៅសេវារហូត ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ