រាជធានីភ្នំពេញ ៖ គណៈបញ្ជាការឯកភាពរដ្ឋបាលខណ្ឌចំការមន នៅវេលាម៉ោង៤រសៀលថ្ងៃទី១១ ខែតុលា ឆ្នាំ២០២៥ បានបើកប្រតិបត្តិការចុះត្រួតពិនិត្យទីតាំងមួយកន្លែង ស្ថិតនៅចំណុចអគារ MORGAN ជាន់ទី៣៤…
រាជធានីភ្នំពេញ ៖ គណៈបញ្ជាការឯកភាពរដ្ឋបាលខណ្ឌចំការមន នៅវេលាម៉ោង៤រសៀលថ្ងៃទី១១ ខែតុលា ឆ្នាំ២០២៥ បានបើកប្រតិបត្តិការចុះត្រួតពិនិត្យទីតាំងមួយកន្លែង ស្ថិតនៅចំណុចអគារ MORGAN ជាន់ទី៣៤ ផ្លូវកោះពេជ្រ សង្កាត់ទន្លបាសាក់ ខណ្ឌចំការមន រាជធានីភ្នំពេញ ក្រោយមានការស្រាវជ្រាវសង្ស័យថា មានការលួចលាក់ប្រព្រឹត្តការឆបោកអនឡាញ ដែលជាបទល្មើស។ ពេលបានចុះដល់ទៅតាំងខាងលើ សមត្ថកិច្ចបានពិនិត្យឃើញមានមនុស្សកំពុងបម្រើការងារនៅទីនោះ ចំនួន៨០នាក់ មានស្ត្រី១៥នាក់ មកពី០៧សញ្ជាតិ ។
ក្នុងចំណោមមនុស្សទាំង៨០នាក់ ដែលត្រូវបានឃាត់ខ្លួនទាំងនោះ មានជនជាតិចិន ៥៧នាក់(ស្ត្រី ០៤នាក់ និងចិនតៃវ៉ាន់០១នាក់) នេប៉ាល់ ០២នាក់, ម៉ាឡេស៊ី ចំនួន០៥នាក់ (ស្ត្រី០២នាក់) វៀតណាម០២នាក់(ស្ត្រី០១នាក់) មីយ៉ាន់ម៉ា ០៩នាក់ (ស្ត្រី០៣នាក់) និងស្ត្រីជនជាតិខ្មែរ០៥នាក់ ។
ក្នុងប្រតិប្រតិបត្តិការនេះដែរ សមត្ថកិច្ចបានរឹបអូសវត្ថុតាងរួមមាន ម៉ូនីទ័រ ២០៤គ្រឿង, ធុង CPU ១២៨គ្រឿង, និងកុំព្យូទ័រយួរដៃ ០៣គ្រឿង ។
បច្ចុប្បន្នសមត្ថកិច្ចខណ្ឌចំការមន កំពុងសហការជាមួយមន្ត្រីជំនាញ នៃការិយាល័យប្រយុទ្ធប្រឆាំងបទល្មើសបច្ចេកវិទ្យា ដើម្បីត្រួតពិនិត្យរកអ្នកជាប់ពាក់ព័ន្ធ ក្នុងបទល្មើសឆបោកតាមប្រព័ន្ធបច្ចេកវិទ្យា និងបទល្មើសផ្សេងទៀត ៕
ចែករំលែកព័តមាននេះ