រាជធានីភ្នំពេញ ៖ តារាសម្តែង អ្នកនាង គង់ ចាន់ស្រីមុំ បានសម្រេចបញ្ចប់ជាពិធីការិនីនៅក្នុងកម្មវិធីមួយ បន្ទាប់ពីនាងបានកាន់កម្មវិធីមួយនេះ អស់រយៈពេលជាង៥ឆ្នាំមកនេះ ។…
រាជធានីភ្នំពេញ ៖ តារាសម្តែង អ្នកនាង គង់ ចាន់ស្រីមុំ បានសម្រេចបញ្ចប់ជាពិធីការិនីនៅក្នុងកម្មវិធីមួយ បន្ទាប់ពីនាងបានកាន់កម្មវិធីមួយនេះ អស់រយៈពេលជាង៥ឆ្នាំមកនេះ ។ យ៉ាងណា បើទោះបីជានាងសម្រេចបញ្ចប់ជាពិធីការិនីក៏ដោយ ប៉ុន្តែតារាស្រីរូបនេះនៅតែបន្តអាជីពសិល្បៈដដែល ដោយមិនទាន់ដើរចេញទាំងស្រុងនាពេលនេះឡើយ។
តាមរយៈសំណេរបង្ហោះលើបណ្តាញសង្គម គង់ ចាន់ស្រីមុំ បានគូសបញ្ជាក់ថា ការដើរចេញដោយក្តីអាល័យ វាពិតជាពិបាកធ្វើចិត្តណាស់ តែដោយសារត្រូវមានទំនួលខុសត្រូវនិងការងារជាច្រើនចំពោះមុខដែលធ្វើអោយខ្ញុំសម្រេចចិត្តបែបនេះ ។
អរគុណបងប្អូនសម្រាប់ក្តីស្រលាញ់ចំពោះខ្ញុំរហូតមក ទោះការដើរចេញមួយនេះ ស្ថិតនៅក្នុងហេតុផលបែបណាក៏ដោយ ក៏ខ្ញុំនៅតែចង់ចាំរាល់ពាក្យសម្តីល្អៗ និងការលើកទឹកចិត្តពីបងប្អូនរហូតមក ហើយនាងខ្ញុំ គង់ ចាន់ស្រីមុំ សូមផ្ញើក្តីស្រលាញ់ និងស្នាមញញឹមដោយក្តីអាល័យមួយនេះក្នុងបេះដូងបងប្អូនរហូតផង ។ ចង់ប្រាប់ថា ស្រលាញ់គ្រប់គ្នាដែលតែងផ្តល់ក្តីស្រលាញ់មកកាន់ខ្ញុំហូតមក love all my beloved fans ។Bye bye 3fun Channel Cambodia.
ជាការចាកចេញមួយដែលបន្សល់ទុក្ខនៅរឿងរ៉ាវអនុស្សាវរីយ៍ល្អៗ ការស្រលាញ់ឲ្យតម្លៃពីក្រុមការងារ រឿងរ៉ាវជាច្រើនរយៈពេល5-6ឆ្នាំនេះ ក៏មានឱកាសជួបសិល្បៈរៀមច្បង បងប្អូនអ្នកសិល្បៈ ចែករំលែកក្ដីស្រលាញ់រឿងល្អៗជាច្រើន បើមានឱកាសចាំជួបគ្នាទៀតណា អរគុណរាល់បណ្ដាអ្នកស្រលាញ់ និងគាំទ្រទាំងអស់គ្នា ។
គង់ ចាន់ស្រីមុំ បានអះអាងបន្ថែមថា កន្លងមក អំឡុងពេលនាងចាប់អាជីពជាពិធីការិនីដំបូងនោះ នាងក៏ធ្លាប់ទទួលរងនូវពាក្យbully ពីមហាជនមួយចំនួនផងដែរ ហើយជាងនេះទៅទៀត ក៏មានពាក្យអោយនាងដើរចេញពីអាជីពនេះផងដែរ ។
យ៉ាងណា ដោយសារមានការលើកទឹកចិត្តពីអ្នកគាំទ្រ និងមិត្តភក្តិនៅជុំវិញខ្លួនមួយចំនួនបានជម្រុញ និងផ្តល់ឱកាសនោះ ទើបធ្វើអោយនាងចាប់អាជីពជាពិធីការិនីរហូតមកទល់នាពេលនេះ ។ទោះជាយ៉ាងណា បើតាម គង់ ចាន់ស្រីមុំ បើទោះជានាងឈប់ពីពិធីការិនីក៏ពិតមែន ប៉ុន្តែនាងក៏មិនបានបញ្ចប់អាជីពសិល្បៈនោះឡើយ ពោលនាងនៅតែទទួលយកការអញ្ជើញពីគ្រប់កម្មវិធីនានាដដែល ។
គួរបញ្ជាក់ថា ក្រៅពីអាជីពសិល្បៈ គង់ ចាន់ស្រីមុំ ក៏មានមុខជំនួញដោយនាងបានបង្កើតម៉ាកផលិតផលផ្តាច់មុខផ្ទាល់ខ្លួនផងដែរ ។ តារាស្រីរូបនេះតែងតែបង្ហាញនូវភាពហ៊ឺហា និងស៊ីវិល័យប្លែកៗជាមួយនឹងការប្រើប្រាស់របស់របរទំនើប និងមានតម្លៃថ្លៃៗផងដែរ ។ ជាងនេះទៅទៀត នាងក៏តែងតែបង្ហាញពីការដើរលេងកម្សាន្តនៅតាមបណ្តាប្រទេសនានាជាមួយក្រុមគ្រួសារជាបន្តបន្ទាប់ ៕
ចែករំលែកព័តមាននេះ