ខេត្តបន្ទាយមានជ័យ ៖ ជនជាតិថៃម្នាក់លួចឆ្លងដែនដោយខុសច្បាប់ មករកការងារធ្វើក្រុងប៉ោយប៉ែត ត្រូវបានឃាត់ខ្លួនពីបទលួចឆ្លងដែនខុសច្បាប់ និងបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៦ ខែតុលា ឆ្នាំ២០២៥ ។…
ខេត្តបន្ទាយមានជ័យ ៖ ជនជាតិថៃម្នាក់លួចឆ្លងដែនដោយខុសច្បាប់ មករកការងារធ្វើក្រុងប៉ោយប៉ែត ត្រូវបានឃាត់ខ្លួនពីបទលួចឆ្លងដែនខុសច្បាប់ និងបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី០៦ ខែតុលា ឆ្នាំ២០២៥ ។
លោកវរសេនីយ៍ត្រី អ៊ុក សូរផុន មេបញ្ជាការមូលដ្ឋានកងរាជអាវុធហត្ថស្រុកស្វាយចេកបានប្រាប់ថា ជនជាតិថៃខាងលើ ឈ្មោះ ប្រាក់ស៊ុង សុមផន ភេទប្រុស អាយុ៣១ឆ្នាំ។
លោកបានបញ្ជាក់ទៀតថា នៅពេលកម្លាំងឃាត់ខ្លួនជនជាតិថៃនេះ ក្នុងពេលកម្លាំងចេញល្បាតតាមបន្ទាត់ព្រំដែន ក៏ប្រទះឃើញជនជាតិម្នាក់បានដើរចូលមកទឹកដីកម្ពុជាប្រមាណ២០០ម៉ែត្រពីព្រំដែនកម្ពុជា-ថៃនៅថ្ងៃទី០៤ ខែតុលា ឆ្នាំ២០២៥ ចំណុចតំបន់១ ស្ថិតក្នុងភូមិចក់ពួក ឃុំស្លក្រាម ស្រុកស្វាយចេក ។
លោកវរសេនីយ៍ត្រី អ៊ុក សូរផុន បានបញ្ជាក់ថា ក្រោយឃាត់ខ្លួនយកសាកសួរតាមចម្លើយសារភាពថា ខ្លួនពិតជាលួចឆ្លងដែនដោយខុសច្បាប់ ដោយគ្មានការងារធ្វើក្នុងប្រទេសថៃទើបលួចឆ្លងដែនរកការងារធ្វើនៅក្រុងប៉ោយប៉ែត ក៏ត្រូវសមត្ថកិច្ចចាប់បានតែម្តង ។
ចែករំលែកព័តមាននេះ