ខេត្តកំពង់ចាម ៖ ទឹកទន្លេមេគង្គខេត្តកំពង់ចាម បានបន្តហក់ឡើងបន្តិចទៀតដល់កម្ពស់ជាង១៤ម៉ែត្រហើយ ។ នេះបើយោងតាមប្រភពការិយាល័យទីភ្នាក់ងារសារព័ត៌មានកម្ពុជាAKP នៃមន្ទីរព័ត៌មានខេត្តកំពង់ចាម ។ លោក អ៊ុម…
ខេត្តកំពង់ចាម ៖ ទឹកទន្លេមេគង្គខេត្តកំពង់ចាម បានបន្តហក់ឡើងបន្តិចទៀតដល់កម្ពស់ជាង១៤ម៉ែត្រហើយ ។ នេះបើយោងតាមប្រភពការិយាល័យទីភ្នាក់ងារសារព័ត៌មានកម្ពុជាAKP នៃមន្ទីរព័ត៌មានខេត្តកំពង់ចាម ។
លោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាមបានបញ្ជាក់ថា ចំពោះស្ថានភាពទឹកទន្លេមេគង្គខេត្តកំពង់ចាម នៅថ្ងៃទី០៤ ខែតុលា ឆ្នាំ២០២៥នេះ ទឹកទន្លេបានហក់ឡើងដល់កម្ពស់១៤.៥០ម៉ែត្រ ធៀបថ្ងៃម្សិលមិញ ទឹកទន្លេឡើងកម្ពស់០,០២ម៉ែត្រ ។
ដោយឡែក កម្ពស់ទឹកនាពេលនេះ ធៀបទៅឆ្នាំ២០២៤ទឹកទន្លេមានកម្ពស់១២,៥០ម៉ែត្រ ខណៈដែលចំណុចប្រកាសប្រុងប្រយ័ត្នមានកម្ពស់១៥,២០ម៉ែត្រ ។ ដោយឡែក ចំពោះស្ថានភាពអាកាសធាតុកាលពីម្សិលមិញ គឺមានភ្លៀងធ្លាក់តិច ឫច្រើននៅទូទាំងស្រុកស្ទឹងត្រង់នៃខេត្តកំពង់ចាម។
ចែករំលែកព័តមាននេះ