ផ្លែខ្នុរ ជាផ្លែឈើត្រូពិកមួយប្រភេទដែលមានរសជាតិផ្អែមឈ្ងុយឆ្ងាញ់ និងមានក្លិនក្រអូបប្រហើរ។ ក្រៅពីភាពល្បីល្បាញដោយសាររសជាតិរបស់វា ផ្លែខ្នុរក៏មានផ្ទុកនូវសារធាតុចិញ្ចឹមជាច្រើនដែលផ្តល់អត្ថប្រយោជន៍ដ៏អស្ចារ្យដល់សុខភាពផងដែរ។ តើមានអ្វីខ្លះ? សូមមកមើលអត្ថប្រយោជន៍សំខាន់ៗទាំង ១០ របស់ផ្លែឈើនេះទាំងអស់គ្នា។ សម្បូរទៅដោយសារធាតុចិញ្ចឹម៖…
ផ្លែខ្នុរ ជាផ្លែឈើត្រូពិកមួយប្រភេទដែលមានរសជាតិផ្អែមឈ្ងុយឆ្ងាញ់ និងមានក្លិនក្រអូបប្រហើរ។ ក្រៅពីភាពល្បីល្បាញដោយសាររសជាតិរបស់វា ផ្លែខ្នុរក៏មានផ្ទុកនូវសារធាតុចិញ្ចឹមជាច្រើនដែលផ្តល់អត្ថប្រយោជន៍ដ៏អស្ចារ្យដល់សុខភាពផងដែរ។ តើមានអ្វីខ្លះ? សូមមកមើលអត្ថប្រយោជន៍សំខាន់ៗទាំង ១០ របស់ផ្លែឈើនេះទាំងអស់គ្នា។
សម្បូរទៅដោយសារធាតុចិញ្ចឹម៖ ផ្លែខ្នុរសម្បូរដោយវីតាមីន C, ប៉ូតាស្យូម, ម៉ាញេស្យូម, និងជាតិកាកសរសៃ ដែលជួយទ្រទ្រង់ដល់ប្រព័ន្ធភាពស៊ាំ និងថាមពលក្នុងរាងកាយ។
ប្រឆាំងនឹងជំងឺមហារីក៖ វាមានផ្ទុកសារធាតុប្រឆាំងអុកស៊ីតកម្មខ្ពស់ដូចជា flavonoid និង lignan ដែលជួយការពារកោសិកាពីការខូចខាត និងអាចកាត់បន្ថយហានិភ័យនៃជំងឺមហារីក។
ល្អសម្រាប់បេះដូង៖ ផ្លែខ្នុរមានប៉ូតាស្យូមខ្ពស់ ដែលជួយគ្រប់គ្រងសម្ពាធឈាម និងកាត់បន្ថយហានិភ័យនៃជំងឺបេះដូង។
ពង្រឹងប្រព័ន្ធភាពស៊ាំ៖ ដោយសារតែវាសំបូរទៅដោយវីតាមីន C ទើបវាជួយពង្រឹងប្រព័ន្ធភាពស៊ាំ និងការពាររាងកាយពីជំងឺឆ្លងផ្សេងៗ។
ជួយដល់ការរំលាយអាហារ៖ ជាតិកាកសរសៃដែលមាននៅក្នុងផ្លែខ្នុរជួយសម្រួលដល់ការរំលាយអាហារ និងការពារការទល់លាមក។
ថាមពលធម្មជាតិ៖ ផ្លែខ្នុរផ្តល់ថាមពលភ្លាមៗដល់រាងកាយដោយសារតែវាមានផ្ទុកជាតិស្ករធម្មជាតិដូចជា sucrose និង fructose។
ល្អសម្រាប់ភ្នែក៖ ផ្លែខ្នុរមានផ្ទុកសារធាតុវីតាមីន A ដែលចាំបាច់សម្រាប់សុខភាពភ្នែក និងការពារបញ្ហាភ្នែកផ្សេងៗ។
ជួយសុខភាពស្បែក៖ សារធាតុប្រឆាំងអុកស៊ីតកម្មដែលមានក្នុងផ្លែខ្នុរជួយកាត់បន្ថយស្នាមជ្រីវជ្រួញ និងធ្វើឱ្យស្បែកស្រស់ថ្លា។
ជំនួយឆ្អឹង៖ ម៉ាញេស្យូម និងកាល់ស្យូមដែលមានក្នុងផ្លែខ្នុរជួយពង្រឹងឆ្អឹង និងការពារជំងឺពុកឆ្អឹង។
ល្អសម្រាប់សុខភាពខួរក្បាល៖ សារធាតុចិញ្ចឹមជាច្រើនក្នុងផ្លែខ្នុរជួយទ្រទ្រង់ដល់មុខងាររបស់ខួរក្បាល និងអាចកាត់បន្ថយហានិភ័យនៃជំងឺសរសៃប្រសាទ។
ការទទួលទានផ្លែខ្នុរមិនត្រឹមតែបំពេញចំណង់រសជាតិរបស់អ្នកប៉ុណ្ណោះទេ តែថែមទាំងផ្តល់អត្ថប្រយោជន៍ដ៏សម្បូរបែបដល់សុខភាពទាំងមូលផងដែរ។ ដូច្នេះ កុំភ្លេចបន្ថែមផ្លែឈើដ៏អស្ចារ្យនេះទៅក្នុងរបបអាហាររបស់អ្នក៕
ចែករំលែកព័តមាននេះ