ADផ្ទាំងផ្សព្វផ្សាយពាណិជ្ជកម្ម

មហាជនរិះគន់ក្រុមហ៊ុនធ្វើផ្លូវបេតុង១ខ្សែគ្មានគុណភាព បានតែ៧ខែបែករបើកខូ.ច

2 នាទី មុន

ស្វាយរៀង
០១ ខែ តុលា ឆ្នាំ ២០២៥ ម៉ោង ១៣:៤៨

ខេត្តស្វាយរៀង៖ប្រជាពលរដ្ឋភូមិសំយ៉ោងរិះគន់ ថាក្រុមហ៊ុនទទួលការសាងសង់ផ្លូវបេតុងអាម៉េ ០២គម្រោងប្រវែង១,៥៣៣ម៉ែត្រទទឹង០៥ម៉ែត្រ ថាគ្មានគុណភាពសាងសង់ខុសស្តង់ដាបច្ចេកទេស ពេលនេះរលាយទៅវិញឆាប់ណាស់ ។ មហាជនលើកឡើងថា គម្រោងឆ្នាំ២០២៤ប្រវែង៨០០ម៉ែត្រ ទទឹង៥ម៉ែត្រកម្រាស់បេតុង០,១៥ម៉ែត្រសាងសង់រួចបានតែ៥ខែគឺបែករបើកកំបោរ(ខ្សាច់ស៊ីម៉ងត៌)អស់នៅសល់តែថ្ម។រីឯគម្រោងថ្មីឆ្នាំ២០២៥សាងសង់.តផ្លូវបេតុងអាម៉េ…

មហាជនលើកឡើងថា គម្រោងឆ្នាំ២០២៤ប្រវែង៨០០ម៉ែត្រ ទទឹង៥ម៉ែត្រកម្រាស់បេតុង០,១៥ម៉ែត្រសាងសង់រួចបានតែ៥ខែគឺបែករបើកកំបោរ(ខ្សាច់ស៊ីម៉ងត៌)អស់នៅសល់តែថ្ម។រីឯគម្រោងថ្មីឆ្នាំ២០២៥សាងសង់.តផ្លូវបេតុងអាម៉េ ប្រវែង៧៣៣ម៉ែត្រទទឹង៥ម៉ែត្រកម្រាស់បេតុង០,១៥ម៉ែត្រសាងសង់ទើបតែរួចរាល់ ស្រាប់តែមានស្នាមប្រះរយះ។ ករណីនេះកើតឡើងនៅភូមិសំយ៉ោងឃុំសំយ៉ោងស្រុកកំពងើរោទ៌។

ទាក់ទិនករណីនេះដែរ លោកមេឃុំសំយ៉ោងបានមានប្រសាសន៍ប្រាប់កោះសន្តិភាពថា ពិតជាដូចការលើកឡើងរបស់ប្រជាពលដ្ឋមែន។លោកមេឃុំបន្តថា គម្រោងឆ្នាំ២០២៤ក្រុមហ៊ុនពេជ្រធីតាទទួលការសាងសង់ផ្លូវបេតុងអាម៉េប្រវែង៨០០ម៉ែត្រទទឹង៥ម៉ែត្រកម្រាស់០,១៥ម៉ែត្រគឺចាប៉ពីកែងវត្តតាពៅទៅដល់ខាងកើតវត្តទួលអំពឹល គឺនៅក្នុងគម្រោងថែទាំដូច្នេះក្រុមប្រឹក្សាឃុំបានប្រជុំជាមួយមន្ត្រីបច្ចេកទេសស្រុកខេត្តតម្រូវឲ្យក្រុមហ៊ុនជួសជុលកែលម្អឡើងវិញឲ្យបានត្រឹមត្រូវតាមស្តង់ដាបច្ចេកទេស គឺបាញ់ទឹកសម្អាតផ្លូវនិងក្រាលបេតុងថែមពីលើកម្រាស់០៦ហ៊ុន(០,០៦ម៉ែត្រ)។

ចំណែកកម្រោងថ្មីឆ្នាំ២០២៥ សាងសង់ផ្លូវបេតុងអាម៉េ(តគម្រោងចាស់)ប្រវែង៧៣៣ម៉ែត្រទទឹង៥ម៉ែត្រកម្រាស់បេតុង០,១៥ម៉ែត្រឦហើយបើតាមការពិនិត្យរបស់មន្ត្រីបច្ចេកទេសគឺកន្លែងដែលប្រសនោះគឺប្រះតាមថ្នេដំណ តម្រូវឲ្យក្រុមហ៊ុនយកម៉ូទ័រកាត់តាមដំណររួចដាក់កៅស៊ូបិទកុំឱ្យទឹកចូល។

លោកព្រំ ចាន់ មន្ត្រីបច្ចេកទេសខេត្តចុះស្រុកកំពង់រោទ៌បានប្រាប់អ្នកសារព័ត៌មានយើងថា ការដែលប្រជាពលរដ្ឋលើកឡើងថា ផ្លូវបេតុង១ខ្សែប្រវែង៧៣៣ម៉ែត្រនៅភូមិសំយ៉ោង ដែលទើបតែសាងសង់រួចប្រេសនោះ ក្រុមការងារបានចុះទៅពិនិត្យនៅវេលាម៉ោង១០និង១០នាទីព្រឹកថ្ងៃទី៣០ កញ្ញា ឆ្នាំ២០២៥ ជាក់ស្តែងឝឺប្រះតាមមុខដំណរ(គឺ៥ម៉ែត្រទុកមុខដំណរ១ការពាររីកមាឌបេតុង) លោកបានឲ្យក្រុមហ៊ុនកែសម្រួលឡើងវិញ ។ ហើយបើតាមការពិនិត្យនិងបាញ់គំហាប់នៃម៉ាស៊ីនវាស់កំហាប់ថ្នល់រយៈពេល១៤ថ្ងៃ មានកំហាប់២០ រយៈពេល១០ថ្ងៃមានកំហាប់១៨ ដូច្នេះបើសង់រួចរយៈពេល២០ថ្ងៃទៅ២៨ថ្ងៃគឺអាចគ្រប់តាមស្តង់ដាបច្ចេកទេសគឺកម្រិត២៨ទៅ៣០ ។

ចំពោះគម្រោងឆ្នាំ២០២៤ប្រវែង ៨០០ម៉ែត្រ គឺនៅក្នុងគម្រោងថែទាំ ដូច្នេះតម្រូវឲ្យក្រុមហ៊ុនពេជ្រធីតា អ្នកទទួលការ ជួសជុលកែលម្អឡើងវិញគឺចាក់បេតុងថែមកម្រាស់០,០៦ម៉ែត្រ ។

លោកស្រីពេជ្រធីតា ប្រធានក្រុមហ៊ុនពេជ្រ ធីតា បានប្រាប់កោះសន្តិភាពថា ផ្លូវបេតុងប្រវែង៨០០ម៉ែត្រគឺនៅក្នុងគម្រោងថែទាំ ដោយមានការយឺតយ៉ាវលោកស្រីពន្យាពេលជួសជុល ដោយគម្រោង២០២៤នៅដើមផ្លូវ ដូច្នេះក៏ពន្យាពេលជួសជុលរង់ចាំសាងសង់ផ្លូវគម្រោង២០២៥រួចទើបមកជួសជុលកែលម្អឲ្យបានតាមស្តង់ដាបច្ចេកទេសនៃកិច្ចសន្យា ផ្លូវបេតុងអាម៉េកិច្ចសន្យានៃគម្រោងថែទាំរយៈពេល០៦ខែ បើស្រុតខូចឬបែករបើកតម្រូវឲ្យក្រុមហ៊ុនទទួលការជួសជុលឡើងវិញមហាជនលើកឡើងថា គម្រោងថែទាំរយៈពេល០៦ខែខ្លីណាស់ធ្វើខាងមុខខូចខាងក្រោយធ្វើរហូត ។

ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕