ខេត្តស្វាយរៀង៖បើយើងធ្វើដំណើរទៅខាងស្រុកកំពង់រោទិ៍ចុះតាមខ្លោងទ្វារវត្តព្រៃចំណារនោះនៅតាមសងខាងផ្លូវយើងនិងឃើញមានផ្ទះអ្នករកស៊ីជួលមេនបូជាសពដែលដាក់មេន២ទៅ៣មេរុក្នុងមួយផ្ទះៗ ដោយពួកគាត់ប្រកបរបរនេះជាយូឆ្នាំណាស់មកហើយ។
ហើយចំពោះពលរដ្ឋដែលជាអ្នកធ្វើដំណើរតាមផ្លូវមួយនេះពិតជាភ្លឹកនិងមានការភ្ញាក់បន្តិចជាពិសេសអ្នកដែលខ្លាចខ្មោចតែម្តងដោយនៅតាមផ្ទះអ្នករកសុីជួលមេរុនោះមានហាលនូវក្រណាត់ ពណ៌ ស ពណ៌ ខ្មៅ ដែលលម្អលើមេន រថយន្តដឹកសម្ភារៈមេន កម្រងផ្កាដាក់រូបថត និង ក្តារម្ឈូស ក្រោមផ្ទះមុខផ្ទះ ដែលមើលទៅគួរឲ្យព្រឺព្រួចតែសម្រាប់ម្ទាស់ផ្ទះពួកគាត់ជារឿងធម្មតាទៅហើយគឺអត់ខ្លាចខ្មោចទេ។
បើតាមលោកស្រី សាល វិចិត្រ អាយុ៤១ឆ្នាំ ដែលជាម្ចាស់ផ្ទះជួលមេននៅភូមិឬសហសីអមឃុំខ្សែត្រស្រុកកំពងើរោទ៌បានប្រាប់កោះសន្តិភាពថា៖សព្វថ្ងៃមុខរបរជួលមេរុរបស់គាតើគឺមិនសូវទំនេរទេបានចេញរហូតទាំងជិតទាំងឆ្ងាយអោយតែមានគេមករកជួលក្នុងពិធីបុណ្យសពនោះសំខាន់ត្រូវតម្លៃគ្នាតាមម្ចាស់បុណ្យគេមកជួលតាមខ្នាតមេនតាមតម្រូវការម្ចាស់បុណ្យ។
លោកស្រីបានបញ្ជាក់អោយដឹងទៀតថា៖មេនរបស់គាត់មាន៣ខ្នាតនិង៣ជម្រើស មានខ្នាតតូច ខ្នាតកណ្តាល និងខ្នាតធំជាឈុត តម្លៃឈុតខ្នាតតូច៣៥០ដុល្លារ ឈុតខ្នាតកណ្តាល៤៨០ដុល្លារ ឈុតខ្នាតធំ៥០០ជាងដុល្លារក្នុងនោះមាន មេន ក្តារម្ឈូស ផ្កាភ្ញី កោណ តាមជិតឆ្ងាយអាចថ្លៃជាងនេះ។អ្នកប្រកបមុខរបរជួលមេរុបូជាសព ០៥គ្រួសារនៅភូមិឬស្សីអម មានការមមាញឹកក្នុងការទទួលរៀបចំមេនបូជាសព ស្ទើរាល់ថ្ងៃ ហើយថ្ងៃខ្លះមានបីបួនសពត្រូវបូជា។
បើតាមស្ត្រីឈ្មោះសាល វិចិត្រ អាយុ៤១ឆ្នាំ ជាអ្នកប្រកបមុខរបរជួលមេនបូជាសព នៅភូមិឬស្សីអមឃុំខ្សែត្រស្រុកកំពង់រោទ៌បានប្រាប់កោះសន្តិភាពនារសៀលថ្ងៃទី៣០កញ្ញា២០២៥ ថា នៅក្នុងភូមិឬស្សីអម មានអ្នកប្រកបមុខរបររៀបចំមេន សម្រាប់បូជាសពចំនួន០៥គ្រួសារ សរុបមេនចំនួន១៤មេន។ ស្ត្រីរូបនេះបន្តថា គាត់មានមេនចំនួន០៣គ្រឿង ក្នុង១សប្តាហ៌ទទួលរៀបចំបូជាសពចំនួន០២ទៅ០៣សពអ្នកខ្លះចេញរាល់ថ្ងៃ បើគិតក្នុង១ខែមានគេមកជួលមេនគាត់បូជាសព០៩សព ខែខ្លះរហូតទៅ១៥សពក៏មាន ហើយបើទាំង៥ម្ចាស់មេរុគឺចេញរាល់ថ្ងៃក្នុង១ថ្ងៃ៥ទៅ៦កន្លែងមេន១៤គ្រឿងស្ទើរតែរុះយកទៅរៀបសឹងមិនទាន់។
ស្ត្រីរូបនេះបន្តទៀតថា តម្លៃមេន មាន០៣ខ្នាត ៖ខ្នាត៤ម៉ែត្រឈុតតូចតម្លៃ៣៥០ដុល្លារ ខ្នាតកណ្តាល៥ម៉ែត្រ១ឈុតតម្លៃ៤៨០ដុល្លារ ខ្នាតធំ៦ម៉ែត្រ ១ឈុតតម្លៃ៥៥០ទៅ៥៩០ដុល្លារ។ ហើយមឈូស១តម្លៃ២៥ដុល្លារនៅក្នុងស្រុកបើទៅឆ្ងាយតម្លៃ៣៥ដុល្លារតាមៈជិតឬឆ្ងាយ។ហើយការទទួលរៀបចំមេនបូជាសពនេះគឺមិនមែនតែក្នុងខេត្តស្វាយរៀងទេគឺមានគេជួលទៅដល់ខេត្តព្រៃវែងដែរ។
ស្ត្រីរូបនេះបានប្រាប់កោះសន្តិភាពថា ប្តីគាត់និងក្រុមកាងារគឺចេញពីផ្ទះដឹកយកមេនទៅរៀបចំបូជាសព រាល់ថ្ងៃមិនដែលនៅដេកផ្ទះទេ គាត់រស់នៅក្នុងផ្ទះ០៤នាក់កូនតូចៗ ក៏ប៉ុន្តែមិនខ្លាចខ្មោចទេ ទោសបីនៅមុខផ្ទះមានមឈុស និងមេនទើបតែរុះយកមកក៏ដោយ គឺធម្មតាទៅហើយ បាននៃថាគឺស៊ាំក្នុងការស់នៅជាមួយគ្រួសារជាភ្លុកបូជាសពទៅហើយ ចំណែកកូនៗវិញឆ្លើយថាខ្លាចអីខ្មោច ខ្មោចមកនៅជាមួយច្រើនម៉ាគំនរ។ ហើយអ្នកប្រកបមុខរបរដើររៀបចំមេនគឺរស់នៅក្បែៗគ្នា ជាង២០គ្រួសារដោយពេលរៀបចំមេនក្នុងមេន១ត្រូវការភ្លុកបូជាសពម្នាក់នាក់ជួយរៀបចំ៤នាក់ទៅ៥នាក់តាមឈុតតូចធំ រៀបចំផ្កានិងឆាក។ចំណែកប្រជាពលរដ្ឋមួយចំនួនលើកឡើងថា នៅពេលយប់ធ្វើដំណើរតាមផ្លូវឆ្លងកាត់តាមមុខផ្ទះអ្នកប្រកបមុខរបរជួលមេនគឺមានអារម្មណ៍ព្រឺក្បាលខ្លាចខ្មោចលង ក៏ប៉ន្តែម្ចាស់ផ្ទះគេដូចជាធម្មតាទៅវិញមិនខ្លាចខ្មោចដោយសារនេះជាមុខរបរទៅហើយ៕
ចែករំលែកព័តមាននេះ