ខេត្តស្វាយរៀង៖ កាលពីថ្ងៃទី២៧ ខែកញ្ញា ឆ្នាំ២០២៥ កម្លាំងអធិការដ្ឋាននគរបាលស្រុកស្វាយជ្រំ ចេញចល័ត ល្បាត ដើម្បីការពារសន្តិសុខ សុវត្ថិភាព និងសណ្តាប់ធ្នាប់ជូនប្រជាពលរដ្ឋ…
ខេត្តស្វាយរៀង៖ កាលពីថ្ងៃទី២៧ ខែកញ្ញា ឆ្នាំ២០២៥ កម្លាំងអធិការដ្ឋាននគរបាលស្រុកស្វាយជ្រំ ចេញចល័ត ល្បាត ដើម្បីការពារសន្តិសុខ សុវត្ថិភាព និងសណ្តាប់ធ្នាប់ជូនប្រជាពលរដ្ឋ ក៏បានជួបក្រុមក្មេងទំនើង០៥នាក់ ជិះម៉ូតូបង្ហោះលើដងផ្លូវនិងរោទ៍ម៉ាស៊ីនកែបំពង់ស៊ីម៉ាំងឮខ្លាំងៗបង្កការរំខានដល់ប្រជាពលរដ្ឋនៅពេលថ្ងៃ និងពេលយប់ ។
ប្រភពបានឲ្យដឹងថា ខណពនោះ កម្លាំងល្បាត បានធ្វើការជិះម៉តូដេញតាមពីក្រោយរហូតស្ទាក់ឃាត់ខ្លួនបានចំនួន០៥នាក់ និងបានដកហូតម៉ូតូចំនួន០២គ្រឿង។
នៅចំពោះមុខសមត្ថកិច្ច ក្មេងទំនើងទាំង០៥នាក់ បានឆ្លើយសារភាពថា ក្រុមខ្លួនពិតជាបានបើកម៉ូតូរោទ៍បំពង់ស៊ីម៉ាំងអោយឮខ្លាំង និងបង្ហោះម៉ូតូក្នុងមូលដ្ឋានស្រុកស្វាយជ្រំ ពិតប្រាកដមែន។
ដោយមានការអនុញ្ញាតដ៏ខ្ពង់ខ្ពស់ពីលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្ត និងដោយមានការសម្របសម្រួល ពីលិក ព្រះរាជអាជ្ញា នៃអយ្យការអមសាលាដំបូងខេត្ត សមត្ថកិច្ចជំនាញ បានធ្វើកិច្ចសន្យា អប់រំ ព្រមទាំងអញ្ជើញអាណាព្យាបាលមកធានា ដើម្បីយកទៅអប់រំ បន្ត ចំណែកឯ មធ្យោបាយត្រូវបានរក្សាទុកនៅអធិការដ្ឋានរយៈពេល៣ខែ ៕
ចែករំលែកព័តមាននេះ