ខេត្តសៀមរាប ៖ ឯកឧត្តម ប្រាក់ សោភ័ណ អភិបាលខេត្តសៀមរាប បានជម្រុញឱ្យអាជ្ញាធរមូលដ្ឋាន ត្រូវប្រើឱ្យអស់គ្រប់វិធានការក្នុងការដោះស្រាយរំដោះទឹកជូនប្រជាពលរដ្ឋពេលមានគ្រោះមហន្តរាយកើតឡើង ដោយស្ថានភាពអាកាសធាតុមានសម្ពាធទាប ធ្វើឱ្យមានភ្លៀងធ្លាក់ជាប់ៗគ្នាជាច្រើនថ្ងៃមក…
ខេត្តសៀមរាប ៖ ឯកឧត្តម ប្រាក់ សោភ័ណ អភិបាលខេត្តសៀមរាប បានជម្រុញឱ្យអាជ្ញាធរមូលដ្ឋាន ត្រូវប្រើឱ្យអស់គ្រប់វិធានការក្នុងការដោះស្រាយរំដោះទឹកជូនប្រជាពលរដ្ឋពេលមានគ្រោះមហន្តរាយកើតឡើង ដោយស្ថានភាពអាកាសធាតុមានសម្ពាធទាប ធ្វើឱ្យមានភ្លៀងធ្លាក់ជាប់ៗគ្នាជាច្រើនថ្ងៃមក បានបណ្តាលឱ្យ ក្រុង ស្រុក មួយចំនួន រងគ្រោះដោយសារ ជំនន់ទឹកភ្លៀង ។
ឯកឧត្តម ប្រាក់ សោភ័ណ ក្រោមការយកចិត្តទុកដាក់ខ្ពស់របស់ សម្តេច តេជោ ហ៊ុនសែន អតីតនាយក ក៏ដូចជា សម្តេច បវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា លោកបានដឹកនាំមន្ត្រីជំនាញចុះពិនិត្យស្ថានភាពផលប៉ះ ពាល់ដោយសារជំនន់ទឹកភ្លៀងតាម ក្រុង ស្រុកមួយចំនួន ក្នុងភូមិសាស្ត្រខេត្តសៀមរាប នៅថ្ងៃទី២៤ ខែកញ្ញា ឆ្នាំ២០២៥ ផងដែរ។
ក្នុងឱកាសចុះពិនិត្យស្ថានភាពជំនន់ទឹក ភ្លៀងនោះ ឯកឧត្តម ប្រាក់ សោភ័ណ បានជម្រុញឱ្យអាជ្ញាធរមូលដ្ឋាន ត្រូវមានភាពម្ចាស់ ការ ក្នុងពេលមានគ្រោះមហន្តរាយធម្មជាតិកើតមានក្នុងភូមិសាស្ត្រខ្លួន ដោយធ្វើយ៉ាងណាកុំឱ្យមាន ផលប៉ះពាល់ដល់ប្រជាពលរដ្ឋ ដោយត្រូវប្រើ ប្រាស់ឱ្យអស់គ្រប់វិធានការចាំបាច់នានា ក្នុងការដោះស្រាយបញ្ហាជូនបងប្អូនប្រជាពលរដ្ឋក្នុងមូលដ្ឋាន។
ឯកឧត្តម អភិបាលខេត្ត ក៏បានណែ នាំដល់អាជ្ញាធរមូលដ្ឋាន និងមន្ទីរជំនាញពាក់ ព័ន្ធ ត្រូវរួមសហការគ្នាធ្វើការវាយតម្លៃ ពីផលប៉ះពាល់ និងការខូចខាតដោយសារជំនន់ទឹក ភ្លៀងឱ្យបានច្បាស់លាស់និងលើកផែនការជាក់ លាក់ ដើម្បីជាវិធានការជួយដល់ប្រជាពលរដ្ឋ។ជាពិសេសត្រូវយកចិត្តទុកដាក់លើការងារជួស ជុលហេដ្ឋារចនាសម្ព័ន្ធក្នុងមូលដ្ឋាន និង ដំណាំ ស្រូវឲ្យបានទាន់ពេលវេលា និង ឆាប់រហ័ស។
ក្នុងឱកាសនោះ ឯកឧត្តម បានសំណូមពរឱ្យអាជ្ញាធរមូលដ្ឋាន និងប្រជាពលរដ្ឋបន្តបង្កើនការប្រុងប្រយ័ត្នពីគ្រោះថ្នាក់ផ្សេងៗ ដែលអាចកើតមានឡើងជាយថាហេតុ ត្រៀមឆ្លើយតបជាប្រចាំ ជាពិសេសទីតាំងដែលងាយរងការទឹកជន់លិច។ ម្យ៉ាងទៀត ត្រូវយកចិត្តទុកដាក់ខ្ពស់ ចំពោះបញ្ហាសុខភាព អនាម័យរបស់ប្រជាពលរដ្ឋ ព្រមទាំងធ្វើការណែនាំបងប្អូន សំខាន់កុមារតូចៗ និង សិស្សធ្វើដំណើរទៅកាន់សាលារៀន ហើយនៅពេលបងប្អូនជួបនូវបញ្ហាសុខភាព ឬ សត្វអសិរពិសខាំ ត្រូវប្រញ៉ាប់បញ្ជូនមកកាន់មណ្ឌលសុខភាព ឬមន្ទីរពេទ្យបង្អែកខេត្តឱ្យបានទាន់ពេលវេលា ៕
ចែករំលែកព័តមាននេះ